၂၀၁၂

ကဲ...
အခုတော့ ၂၀၁၂
နှစ်သစ်ရဲ့ မနက် အသစ် တစ်ခုဆိုတာ
ပိုဟောင်းသွားတဲ့ ဘဝ စာမျက်နှာ။

ကူးလွေ့

ငါ့စိတ်ကူး တိုင်းမှာ မွှေးတဲ့ နှင်းဆီ

နင်က...
ငါ့စိတ်ကူးတိုင်းမှာ မွှေးတဲ့နှင်းဆီ

" ကမ္ဘာဦးကျမ်း " ထဲက လိုပဲ
ငါ့ဘယ်ဘက် ရင်ဘတ် ထဲက နင့်အကြောင်းတွေ ပဉ္စလက်ဆန်ပုံက
အရုဏ်ဦးလို ဆည်းဆာလို
လျှို့ဝှက်ခြင်းနဲ့ အဆန်းတကြယ် ခမ်းနားတယ်

ချယ်ရီရောင်သင်းနေတဲ့ ရနံ့တွေ
ရင်တစ်ခုလုံး စွတ်စိုအောင် ရွာချလိုက်ပုံက
လတစ်စင်း ကောင်းကင်မှာ ပွင့်လိုက်သလို

သက်တန့်ဆန်တဲ့ ဂီတစည်းချက်တွေပေါ်မှာ
စိတ်က...
ထိန်းမရချုပ်မရ မြောပါပြီး
အိပ်မက်တို့ ချိုမြိန်ရာ တိမ်တိုက် တစ်ခုလို
နင်ဟာ....
ငါ့စိတ်ကူးတိုင်းမှာ မွှေးတဲ့ နှင်းဆီ။

ကူးလွေ့

17.9.2006

ငါ့ရဲ့ နတ်သမီး (သို့မဟုတ်) ဧဝ

အရိုးရှင်းဆုံး စကားပြေတစ်ပုဒ်ပေါ့
စတင်ခဲ့ခြင်းက....
ဆန်းပြားတဲ့ သက်တန့် တွေကြားမှာ
သူမ...
အရိုးသားဆုံး ကောင်းကင်ဆန်တယ်
ပင်လယ်ဆန်တယ်

မျဉ်းမတ်တစ်ကြောင်းလိုပဲ
ငါ့ရဲ့ဆောင်းဦးစာမျက်နှာပေါ် ဝင်လာတဲ့ခြေလှမ်းဟာ
နိုးထစ ချယ်ရီရဲ့ ကပိုကရို လှပုံမျိုးနဲ့ သိမ်မွေ့
မြင်သာရုံ နှုတ်ခမ်းစွန်း ထောင့်ချိုးလေး ပြေပြစ်ဖို့
သိင်္ဂါရ ငါ့ဥယျာဉ် စိမ်းစိမ်းစိုခဲ့တယ်

မှော်ရုံထဲက နတ်ဘုရားများတီးတဲ့ စောင်းသံလို
အဖွဲ့အနွဲ့ မပါတဲ့ မျက်ဝန်းက ညှို့ချက်ကင်းတယ်
အိပ်မက်ရွက်ကြွေတို့ဝေ့ဝဲတဲ့ ဧဒင်စိတ်ကူးမှာ
မာရ်နတ်ရဲ့ စကားသံမပါဘူး...
ဘုရားသခင်ရဲ့ ပညတ်တော်မပါဘူး..
ငါ့ရုပ်နာမ်တွေ ထမြောက်ရာ ပုခုံးဦးထက်မှေးမှီဖို့
နက္ခတ်ဆိုးကျိန်စာကို ပုန်ကန်ပြီး
တားမြစ်သီးခိုးယူခဲ့

ယုံကြည်ချက်ကို ရဲရဲမတ်မတ်ထူလွင့်ပြီး
ချစ်ခြင်းနဲ့ထွင်းတဲ့ ငါ့ရဲ့ အက္ခရာပါ
နာကျင်ရုံသက်သက်လေး
ထောင်ချောက်တွေ ဒင်းကြမ်းရွာချခဲ့မယ်ဆိုလည်း
ရင်ဘတ်ထဲ ဝှက်ထားတဲ့မြို့လေးမှာ
" ဒွိဟ " ကပ်ဆိုးတွေ....ကင်းတယ်။


ကူးလွေ့

10.10.2006

မျက်နှာစိမ်း ကပွဲ

မတ်တပ်ရပ်........။

နှုတ်ခမ်းခွံထဲက
သူမ ရဲ့ ဖေဖော်ဝါရီ ယဉ်ကျေးမှုများ
ငါ့ ပုခုံးစွန်း လေးလံအောင် ထမ်းပိုးထားရဆဲ
အံဝှက်အောက်က ကတိမဲ့နှောင်ကြိုးများ
နှုတ်ခမ်းဖျားက မျက်ရည်စက်များ
အမှတ်တရ ပို့စ်ကဒ်များ
အပင်းသွင်း ချိုမြိန်ခြင်းများ
ဝှက်ဖဲ တစ်ချပ်စီပိုင်တဲ့ နောင်တများ
ကိုယ်စီ ကိုယ်ငှ
ပြက္ခဒိန် တွေရဲ့ ရှေးရိုး ဆန်မှုနဲ့ အတူ
ငါ့ နံရံပေါ်မှာ
ချယ်ရီပင်ပေါင်းများစွာ သူမ နဲ့အတူ စီးမျောဆဲ
မင်နီ တားခံရတဲ့ ကတိကဝတ်များ ပွေ့ပိုက်ပြီး
မျက်နှာစိမ်း ကပွဲ က ပြန်ခဲ့။

ကူးလွေ့

ပျောက်ဆုံးခြင်း

နက္ခတ်တွေ အစီအရီ ပွင့်နေတဲ့ အမှောင်ကို ခြုံပြီး
သန်းကောင်ယံ ငိုက်မျည်း နေပုံက ရုပ်ပျက်ဆင်းပျက်
သက်ပြင်းငွေ့ အုံ့အုံ့ ဆိုင်းဆိုင်းပေါက်နေတဲ့ ငါ့အခန်းထဲမှာ
လက်က လွတ်သွားတဲ့ အိပ်စက်ခြင်းတွေရှိတယ်
သံပတ်ပေးထားတဲ့ နာရီအိုလို သတိရခြင်းတွေရှိတယ်
စကားလုံးတွေပေပွနေတဲ့ စာရွက်တွေရှိတယ်
ပစ္စလက္ခတ် ငိုနေတဲ့ ဂစ်တာအို တစ်လက် လည်းရှိတယ်....အဲသလို

စိတ်တိုင်းကျ ရူးနေတဲ့ မြို့ပျက်တစ်ခုလိုပဲ
ဝေးကွာခြင်းက
ဥသြသံရှည်ဆွဲပြီး ငါ့ကို ထုတ်ခြင်းခတ်သွားတဲ့အခါ
ခံနိုင်ရည် ပွင့်ထွက်....လွင့်စဉ်
ကိန်းကြီးခန်းကြီးနိုင်တဲ့ မျက်လုံးတွေ သေနေတာများ
နံရံပေါ်တစ်ချို့...မျက်နှာကြက်ပေါ်တစ်ချို့

ကူးလွေ့

ငွေတောင်တန်းနဲ့ ထိုလွမ်းချင်း...

ချယ်ရီတွေငုံကာသင်းလို့ ငွေနှင်းဖွဲ့ရည်....
ချစ်ခြင်းတွေတူတုံဆင်းတယ် ထိုတောင်တန်းဆီ....
မြောက်ပြန်လေ မြမြသွေးမှာ ချမ်းခိုက်တုန်ရီ....
လှစ်သိုချို ဟန်ဆောင်ကင်းတယ် ခင်ဖွယ့်ရှမ်းပြည်....

တက်နေခြည် ခြုံကာအထွေးမှာ ရွှင်ပွဲဖွဲ့တည်...
မျက်ရည်ကြည်ခိုကာတွဲအောင် ရယ်ခိုးစီစီ.....
ပါးတော်နီထိုပုလိုင်းနဲ့ စီတန်းလှည့်ချီ.....
မောပျိုဖြူပီဘိမနောနဲ့ လှပန်းချယ်စီ.....

လက်ဆယ်ဖြာထိပ်မှာမိုးလို့ ဦးညွှတ်ရွယ်ရည်....
မြတ်ပေသည်စေတီပုထိုးနဲ့ ဘုရားစောင်းတန်းဆီ....
မက်ပေသည်အိပ်မက်ခိုးဖွဲ့ မြေလမ်းနီနီ....
စိတ်မှာရည်သည်တစ်ကြိမ်လေးတော့ လျှောက်ချင်သေးသည်....

လွမ်းရယ်မပြေ သံသာတေးနဲ့ ဆိုရေးဖွဲ့သီ....
ညနေရီလေပြည်အတိုးမှာ လွမ်းငွေ့ဝေစည်....
မိခင်ကြို အိမ်အိုလေးနဲ့ ထိုတောလမ်းဆီ....
အရောက်ရယ်ပြန် ခိုဝင်ဦးမယ် ဆုံးဖြတ်ရွယ်ရည်......
အိမ်... ပြန် ... ဦး... မည်.....။ ။

အက်သံ...

မျက်ရည်စက်မှာ တွဲလွဲခို...
ရင်ခုန်သံကို အပြစ်မဆိုချင်ပါဘူး...
အချစ်ကို ချိုမယ်ထင်ခဲ့မိမှ...
မနက်ဖြန်ကို ရင်ကွဲကြိုဦးမယ်....

ရှင်သန်ခြင်းမှတ်စု

ရပ်နေတာလား...

လျှောက်နေတာလား........
ပြန်လာဖြစ်တော့လဲ ဒီနေရာ.........
ဘာမှ မရှိတာကနေစတယ်....
ဒီလိုပဲ ဘာမှမရှိပဲ ထွက်ခွာ........
ကြားကာလမှာ ငါ့ကိုယ်ငါ ဖွပ်ဖွပ်ကြေအောင်ထောင်းရင်း...
သံသရာကိုမျက်ကွယ်ပြု...
အဲဒီတွင်းတွေ နက်ကောင်းတုန်း....။

တောင်ကြီးမိသားစုဖိုရမ်မှာ တင်ဖူးတဲ့ ကဗျာတစ်ပုဒ်ပါ

တင်းအား

အရာအားလုံး တစ်ခုတည်း ဖြစ်သွားခဲ့တယ်။

ကလေးလေး တစ်ယောက်လို
ငိုမယောင်မိုးတိမ်တွေ ပွင့်နေတဲ့ နှုတ်ခမ်းဆီက
ချွဲနွဲ့ဂီတများ
စိုရုံလေး တိုက်ခတ်သွားပြီးနောက်.....။

ကူးလွေ့

".................."

  

ဒီလိုနဲ့ပဲ...ငါတို့တွေ
နီးလာလိုက်....ဝေးသွားလိုက်
သက်ရင့်အချစ်တွေသာ ကိုယ်စီကိုယ်ငှ ထမ်းပိုးပြီး
စိတ်ကူးတို့ ထပ်တူ ကျမယ့်နေ့ကိုစောင့်တယ်

ဖွင့်ဟ...မပြောလဲ
ရင်မှာ ထပ်တူကျ အလွမ်းတွေ တနင့်တပိုး
ဘယ်လောက်ပဲ ဝေးစေဦးတော့...တို့နှလုံးသားတွေ
နီးကပ်..ပူနွေးမြဲ

ရွှေရောင် အိပ်မက်တွေ ရိတ်သိမ်းဖို့
အနာတရ လမ်းမ ရှည်ဝေးဝေးမှာ
ဘဝစားမြိန်ဝိုင်းလေး ဖွယ်ဖွယ်ရာရာ ပြင်ဆင်မထားနိုင်သေးတော့
ချစ်သူကို လက်ဆုံစားဖို့ လည်း မခေါ်ဝံ့ဘူး။

တစ်ကြိမ်သာ နီးရဖို့ အကြိမ်ကြိမ်လဲ ခွဲခွါ
ပြန်ဆုံချိန် ငါ့စာမျက်နှာပေါ်မှာလဲ
ချစ်သူရဲ့ "ကတိ" တွေ မပါဘူး
ကိုယ်တိုင်ယုံကြည်ထူမတ်ခြင်းနဲ့သာ ခိုင်မာပြီး
မင်းအတွက်
ငါ့ရင်မြေလေး မွမွကြေ ထွန်ယက်ပြီး ပျိုးခဲ့...စိုက်ခဲ့။

ကူးလွေ့

(ဂူဂဲလ် ကပုံပါ။)

မိုင်တိုင်တွေရဲ့ သီချင်း

ငါတို့ရဲ့ တွေ့ဆုံချိန်လေး
ကြည့်နေရင်းကပဲ ခိုးယူခံလိုက်ရချိန်
မြင်နေကျ ငါ့မျက်လုံးတွေ ငတ်မွတ်ဖျားနာခဲ့ရပေါ့

မရှိခြင်းအနက်ရောင် ပွင့်ဖတ်တွေကြားမှာ
နေသားမကျတဲ့ စိတ် က
ည ရဲ့အရေခွံကို ဆုတ်ဖြဲ ပြေးထွက်တယ်
ဖွင့်ထားမယ့် တံခါးများဆီ
စွင့်ထားမယ့် နားတစ်စုံဆီ

ကောင်မလေးရေ...!
ဒါဟာ ငါ့ရင်နဲ့တီးခတ်တဲ့ ဂီတပါ
နင့် ပြတင်းရဲ့ အပြင်ဘက် မနက်ခင်းမှာ
ညနေမှာ...
ငါ့ အလွမ်း တွေ လှလှပပ
မိုင်တိုင်တွေ စိတ်လိုလက်ရ ကွေးညွတ်ထားတဲ့ လေပြေထဲမှာ
လွင့်ထွက်စီးမျောဆဲ ခေါ်သံများ...

ကူးလွေ့

ရော်.....

တိတ်ဆိတ်နေတဲ့ စကားလုံးတွေ ပြန့်ကျဲ...
အဲဒီ အတွင်းကျကျ စားပွဲလေးမှာ...
သူမပါတဲ့ မနက်ဖြန်တွေ ချခင်း....
နေဝင်ခြင်းဟာ ရက်စက်လွန်းတယ်......

စိတ်လိုလက်ရ စိမ်းလန်းခြင်းတွေ....
ရင့်ရောညိုးချိန် မြေခလွယ်လွန်း...
ပွင့်ချင်တိုင်း ပွင့်ခဲ့ပီးမှတော့...
ခြွေရက်သူ အပြစ်မတင်ချင်တော့....

ဆိတ်ငြိမ်စွာပဲ သုံးသပ်နေမိတယ်...
ပုံသေနည်းတွေ ချခင်းတိုက်တတ်တဲ့...
အဲဒီမနက်တွေ ပြန်ပြန်လန်းလာအောင်...
နှလုံးသွေးနဲ့ ပြုစုပျိုးထောင်...

လေးဘက်လေးတန် ဘောင်ခတ် အခန်းကျဉ်းထဲ
ငါ့နံရံကို ငါပြန်ကျော်ဖို့...
စည်းမျဉ်းချ ဒဿနတွေထဲ...
အခုထိတော့ ငါလဲကျနေတုန်း....။ ။

တိမ်တွေ ငိုတဲ့နေ့

ပိတ်ထားတဲ့မျက်ခွံတွေက
ပြုံးတယ်။

မုတ်သုန် စိတ်ကူးတွေ တသုန်သုန် ခတ်ပြီး
ငတ်မွတ် ဖျားနာနေတဲ့ ကောင်ပါ
ထီးတစ်ချောင်းရဲ့ နောက်ကြောင်းပြန်လမ်းမပေါ်
တုန်တုန်ရီရီ အိပ်မောကျ

သူမရေ....!
ဟောဒီ လက်ထဲက ရက်စွဲဟာ
ကောင်းကင်ရဲ့ ဂီတနဲ့အတူ ပွင့်တယ်
ခု
စွတ်စို ခွင့် ဘယ်ဆီမှာလည်း....?

ယောင်ယမ်းသံ ဆူညံတဲ့ နေ့ပါ
ပိတ်ထားတဲ့ မျက်ခွံတွေကတော့
ပြုံးနေတယ်။

ကူးလွေ့

စိတ်ထွက်ပေါက်

လွဲခြင်းပေါင်းများစွာနဲ့...

ဟန်ချက်ညီညီ စီချယ်ထားတဲ့ ငါ့ရဲ့ည....
စိတ်ကူးတိမ်စိုင်တွေ ကြိုးနဲ့သီလို့..
ရင်ဘတ်ကို လေပြည်ငွေ့ငွေ့ပွန်း.........
ဟိုးအနောက်ယွန်းယွန်းဆီက ထုပ်ပိုးခြင်းမဲ့ ဆာလောင်မှုတွေ....
မှောင်ရီနေတာတောင် အလင်းကို သက်သေထူတုန်း...
သံသယ ရယ်သံပါးပါးထဲမှာ...
အမှန်တရားတွေ ခြောက်ချားတိတ်ဆိတ်.....
အဲဒီမနက်မျိုးမှာ ငါ့ကို ဘယ်သူနိုးခဲ့တာလဲ.....?

နေမျှော်တဲ့ပန်း

ရင်အိမ်ကို ဖွင့်ပစ်လိုက်တဲ့အခါ
နားတစ်စုံ စာ စကားတွေ
တဆစ်ဆစ်ကြွေသွားခဲ့

နှုတ်ခမ်းကို ထမ်းပိုးပြီး
ခေါက်ရိုးကျိုး မျက်လုံးတွေ မြည်တမ်းခဲ့
သိုသိုဝှက်ဝှက်
ပင့်သက် တို့ ငွေ့ရည်ဖွဲ့ခဲ့ကြ

ပျိုးထားတဲ့ ငါ့ ကောင်းကင်လည်း
ကြယ်သေတွေ ပွင့်နှင့်ပေါ့
အဆိပ်သင့်လရောင်ကို မြည်းစမ်းရင်း
ပျို့ပျို့လာတဲ့အလွမ်းတွေ
ငါ့ အခန်းထဲ တနင့် တပိုး....

ကူးလွေ့

ဆိတ်သုဉ်းခြင်း

ကွယ်...
အထီးကျန်ဆန်လွန်းရဲ့

ပင့်သက်တွေ မြို မြို ချထားရတယ်
အနားမှာ နင်မရှိ

ကူးလွေ့

ဥယျာဉ်မှူး....

ပတ်သက်ခြင်း တဒင်္ဂလေးမှာ..
ချစ်ခြင်းတွေ ရွာသွန်းဖြိုးလို့...
ရောင်နီနဲ့ အပြုံးတွေချယ်သ...
တွေ့ဆုံချိန်နောက်ကျတာကို အပြစ်တင်ဖူးတယ်........

စိတ်ကူးတိုင်းလဲ တွေ့နိုင်ခဲတယ်....
ဆုံမှတ်တွေက ထက်ဝက်မက လွန်နေခဲ့သမို့....
ပျံသန်းတဲ့ အိပ်မက်နားချိန်မှာ
ငါ့ရင်တွေ ပြပြမောတယ်.....

ရယ်သံတွေ ကကြိုးသီလို့...
ငါ့အသက်တွေ တည်စေခဲ့သူရေ....
ပူနွေးတဲ့ မျက်ရည်ကောက်ကြောင်းမှာ...
အေးချမ်းနှစ်သက်ပျော်ဝင်တတ်ခဲ့ပေါ့.....

တစ်စိမ့်စိမ့်နဲ့ တစ်အေးအေး....
ခြုံလွှာလေးလို နွေးထွေးလွန်းတယ်ကွယ်....
ထွက်သက်လေးကို မှန်းမျှော် ကြည်နူးရင်း....
ငါ့ရဲ့ပါးပြင်ဟာ စိတ်ကူးရင်ခွင်ဆီ.....

လက်တစ်ကမ်းစာ အထိအောင်...
ပင့်သက်တွေ ကျယ်လောင်ဖူးတယ်...
ခေါက်သိမ်းထားတဲ့ ရင်ဘတ်ထဲက...
အချစ်တွေ သွန်ဆင်းသွားလိုက်တာ.....

မိုးရည်တွေ မြမြကျဲတိုင်း...
ငါ့ကိုယ်ငါ ဆေးကြောသုတ်သင်.....
ကလေးလေးရေ.....
ချစ်ခြင်းမေတ္တာမှာ ယဉ်ယဉ်လေး ရူးခဲ့ပေါ့.....

စိမ်းလန်းဖူးတဲ့ နေ့တွေ အကြောင်းမှာ...
မမေ့ရက်နိုင်ကောင်းအောင်တွယ်ငြိ...
အချိန်ပြည့် ပြုံးပန်းရှိရာ...
တေးသံသာတွေ ချိုမြသီကျူး.....

စူးနစ်စွာ ချစ်ဖူးပီးမှတော့...
မူးယစ်ချိန် ရပ်တံ့လိုက်တယ်....
ပန်းပွင့်ငယ် ပွင့်ဖူးခြင်းမှာ...
အရောင်စွန်းတွေ ကင်းပါစေတော့....

လှိုက်လှိုက်ဆူ ပူတဲ့နှလုံးမှာ...
ပေးဆပ်သူ ယဲ့ယဲ့ပြုံးတယ်...
လောင်းရိပ်မှာ တွယ်က ညိုးမယ့်အစား...
လွတ်လပ်စွာ စွင့်ငွားစေတော့....

ငါ့ကိုယ်ငါ ပြန်ခေါက်သိမ်းလိုက်တယ် ကလေးရေ...
မျက်ရည်စို နာကျင်ခက်လဲ
ကြွေကျမယ့် ထန်းသီးတစ်ချို့အတွက်....
မနက်ဖြန်တွေ မထိတ်လန့်စေနဲ့တော့........................။

နှုတ်ဆက်သံ

တစ်နေ့က ဖုတ်ကျီးသဂြိုလ်လိုက်တဲ့
သံယောဇဉ်အပိုင်းစတွေ
စိတ်လိုလက်ရ ပုတ်သိုးပျက်စီး...

အသိမိုးတွေခေါင်တဲ့
ကျီးအာသီးပြပွဲမှာ....
အရောင်လှတိုင်း ရောင်းလို့ မလောက်ဘူးတဲ့လား....

ထားလိုက်တော့....
တစ်စွန်းတစ်စ ဖွင့်လှစ်ကြည့်ခွင့်ရလိုက်တာ
တမင်မဟုတ်သလို သက်သက်လဲ မဖြစ်နိုင်ဘူး....
ပေးသူယူသူ လွဲတဲ့လမ်းမှာ...
အစကတည်းက မှတ်တမ်းတွေမလို......။

ပြုံးပြ ခေါင်းညိတ်ယုံနဲ့
အသိတွေပုံကျသွားခဲ့တာ.....
လှောင်ရယ်သံ ပြပြကြားမှ...
ငါ့နောက်ကျောမှာ ဓါးကို မြင်တယ်.....

ဒါလဲ ထားလိုက်ပါ....
တောင်းဆိုသံမဲ့စွာ ဖွင့်ချထားပေးမှတော့
သံယောဇဉ်သီးတွေ ပုပ်သိုးသွားတာ.
ပြစ်တင်မှုကင်းစွာပဲ..
တယုတယ ပြန်သိမ်းပေးလိုက်တယ်...
သုံညကအစမှာ တစ်မှ မရှိသေးပဲ....

ပြတ်သားလိုက်တယ် လေလွင့်ခြင်းရေ...
ထိခိုက်လဲ ပြုံးနေယုံတာ...
ငါ့မျက်လွှာတွေ မှိတ်ထားမှတော့...
သကာရည် ပါးပါးဖုံးလဲ....
နှစ်သက်ဖို့ ကြောက်တတ်သွားခဲ့...
ပဉ္စလက်တွေ ပြတဲ့သူရေ...
နင်ရွာတဲ့မိုးမှာ နင်ကိုယ်တိုင် မနစ်မွန်းစေနဲ့
ထုတ်ချင်းခတ်ထိတဲ့မြားအတွက်
နင့်ကို ငါ ဦးညွှတ်ထားတယ်.....။

ကမ်းပါး

အိပ်မက်ထဲက နိုးထလာခဲ့သလိုလား
ထင်မှတ်မထားတဲ့ ရက်စက်ပြတ်သားမှုတွေ
မိုးပြိုတာကို မှင်တက်မိနေတုန်း
စက္ကန့်ပိုင်းလေးထိကို စကားသံတွေ ချိုလွန်းသေးတယ်...

ရေပက်မဝင် ဖြေရှင်းချက်တွေက
မာနအရံအတားကို ကျော်လွှားနိုင်ခြင်းမဲ့တယ်
လက်ဖဝါးကို လှန်ကြည့်တတ်ဖို့
မျက်ရည်တွေ နှစ်ချို့ရမှာလား.....

အရင်းခံ စိတ်ရိုးလေးနဲ့
ဒူးထောက်လို့ ရိုကျိုးနေခဲ့တာ
အမှိုက်တစ်စလို ပြတ်သားခံရချိန်တော့
သမုဒ္ဒရာလယ် သင်္ဘောမှောက်သလိုပဲ.........

ရင်အဆုံးထိ ဖွင့်ပေးတာတောင်
ကျောဘက်ထိ ဖောက်ထွက်ရှာတတ်လွန်း
ချခင်းစရာ ကုန်ချိန်ထိအောင်
ဒီပွဲက လှမလာခဲ့ဘူး.........

လွှမ်းခြုံကာ ချည်နှောင်ခံရင်း
အပြုံးကိုသာ ရိုးသားစွာဆာလောင်ခဲ့တာ
မျက်ရည်တာ ကျိုးကျချိန်မှ
လမ်းခုလတ်မှာ ငိုကြွေးမရတဲ့ဘဝ.....

မြင်လှည့်စမ်းပါ ဒီရင်ထဲကို
နားလည်မှုကိုသာ တောင့်တခဲ့တာပါ
အကြွင်းမဲ့တည်တဲ့ မေတ္တာထုမှာ
စကားလုံးအတုတွေ မသုံးနှုန်းခဲ့ပါဘူး.....

အခု
ချောက်ကမ်းပါးလေးရဲ့ အစွန်ဖျားမှာ
တိုးတိတ်စွာတောင်းဆုခြွေနေယုံ
မနက်ခင်းလေးရေ...
ကျေးငှက်တွေ သာနေလဲ ငါ့ရင်နာနေတယ်...................။ ။

အမေ

ဝမ်းတွင်းမှာ လွယ်စဉ်ကတည်းက
တမ်းချင်းတွေနဲ့ ချစ်ခြင်းဖွဲ့တည်
အားတင်းကာ ဝန်ကိုချီမ
ဘဝသစ်ကို ပုံစံချဖို့................

အဆုံးစွန်အောင် နာကျင်ခက်လဲ
အပြုံးမွန်နဲ့ အောင်နိုင်ခဲ့ပေါ့
ချွေးသံတည် မျက်နှာနှုံးနဲ့
ပီတိဖြာ အမေ့မျက်လုံးတွေ.................

လှိုက်လှိုက်အော် ငိုသံပေးတဲ့...
ရင်သွေးငယ် ချိုသံတေးကို
စိတ်မှာခင် သူပြန်ပေးတယ်
လိုအပ်သမျှ လုပ်ကျွေးသုတ်သင်........

စကားငယ်မပီ တီတာပြောတော့
မျက်ရည်ကြည် ဝေဖြာဇောနဲ့
တွန်းတိုက်တည် သင်ကာပေးတယ်
ခေါ်စမ်းကွယ့် အမေ....

ခြေစုံကို တည်ကာရပ်တော့
လေဟုန်ကို ပြန်ကာထွက်ဖို့
အတောင်တွေစုံ ပညာတတ်ဖို့
လူရာသွင်းပို့ပေးတယ် ကျောင်းတော်ရပ်ဆီ.....

ပညာစုံ အတောင်ထွက်တော့
ရင်ကိုကန် ပျံကာတက်တယ်
ရင်သွေးငယ် လူရေတက်ကို
သွင်မပြတ်စီးဆင်း ချစ်ခြင်းနဲ့ဝေ....

ဒုက္ခကြုံ မနေတတ်မှ
သောကအစုံ သယ်လာပေးလဲ...
သုခဘုံထင်ကာမှတ်တယ်
တုနှိုင်းရယ်မှီနိုင်ဘု မေတ္တာထုကို...

ခွန်းချီငယ် ပြန်ကာပြောလို့
ချစ်တယ်အမေ မဆိုနိုင်ခဲ့ဘု
နောင်တလွန် ဆိုချိန်မရောက်မှီ
အပြေးပြန်ကာရင်ငွေ့နွေးသို့ လှမ်းမျှော်စိတ်ရည်....

သားတော်ငယ် သည်အပြစ်ကြွေးကို
မေတ္တာရည် တည်ကာဆေးမယ်
မေမေ့ရင် ပြန်ကာနွေးဖို့
ဦးညွှတ်ကာလက်အုပ်မိုး ရှိခိုးမိသည်...


မေမေ့ရဲ့ အနန္တကျေးဇူးဂုဏ်ကို အမေများနေ့ အမှတ်တရအဖြစ် သား ဒီကဗျာလေးနဲ့ ကန်တော့လိုက်ပါရစေ အမေ....