Wednesday, December 15, 2010

ရှမ်းရိုးရာ ကိန္နရီ ကိန္နရာ အက



တိုက်ရိုက်တင်တာ မှန်သမျှ ကွာလတီ အရမ်း ကျကုန်တဲ့အတွက် ဒီတစ်ခါတော့ ကိုမိုးခေတ် အကြံပေးသလို ယူကျု ကနေပဲ တင်လိုက်ပါတော့တယ်။

Sunday, December 5, 2010

ငွေတောင်တန်းနဲ့ ထိုလွမ်းချင်း...

ချယ်ရီတွေငုံကာသင်းလို့ ငွေနှင်းဖွဲ့ရည်....
ချစ်ခြင်းတွေတူတုံဆင်းတယ် ထိုတောင်တန်းဆီ....
မြောက်ပြန်လေ မြမြသွေးမှာ ချမ်းခိုက်တုန်ရီ....
လှစ်သိုချို ဟန်ဆောင်ကင်းတယ် ခင်ဖွယ့်ရှမ်းပြည်....

တက်နေခြည် ခြုံကာအထွေးမှာ ရွှင်ပွဲဖွဲ့တည်...
မျက်ရည်ကြည်ခိုကာတွဲအောင် ရယ်ခိုးစီစီ.....
ပါးတော်နီထိုပုလိုင်းနဲ့ စီတန်းလှည့်ချီ.....
မောပျိုဖြူပီဘိမနောနဲ့ လှပန်းချယ်စီ.....

လက်ဆယ်ဖြာထိပ်မှာမိုးလို့ ဦးညွှတ်ရွယ်ရည်....
မြတ်ပေသည်စေတီပုထိုးနဲ့ ဘုရားစောင်းတန်းဆီ....
မက်ပေသည်အိပ်မက်ခိုးဖွဲ့ မြေလမ်းနီနီ....
စိတ်မှာရည်သည်တစ်ကြိမ်လေးတော့ လျှောက်ချင်သေးသည်....

လွမ်းရယ်မပြေ သံသာတေးနဲ့ ဆိုရေးဖွဲ့သီ....
ညနေရီလေပြည်အတိုးမှာ လွမ်းငွေ့ဝေစည်....
မိခင်ကြို အိမ်အိုလေးနဲ့ ထိုတောလမ်းဆီ....
အရောက်ရယ်ပြန် ခိုဝင်ဦးမယ် ဆုံးဖြတ်ရွယ်ရည်......
အိမ်... ပြန် ... ဦး... မည်.....။ ။

Thursday, December 2, 2010

အက်သံ...

မျက်ရည်စက်မှာ တွဲလွဲခို...
ရင်ခုန်သံကို အပြစ်မဆိုချင်ပါဘူး...
အချစ်ကို ချိုမယ်ထင်ခဲ့မိမှ...
မနက်ဖြန်ကို ရင်ကွဲကြိုဦးမယ်....

Friday, November 26, 2010

ကထိန် ( DVD Intro)


ဆယ့်လေးရက်နေ့ က လုပ်တဲ့ စုပေါင်း ကထိန်မှာ ရိုက်ထားတာတွေပါ။
အခမ်းအနားတစ်ခုလုံး ကို တင်ဖို့ရာ အဆင်မပြေလို့ ဒီဗွီဒီခွေ အတွက်လုပ်ထားတဲ့ အင်ထရိုကိုပဲ Trailer အဖြစ်တင်လိုက်ပါတယ်။

Tuesday, November 23, 2010

ရှင်သန်ခြင်းမှတ်စု

ရပ်နေတာလား...
လျှောက်နေတာလား........
ပြန်လာဖြစ်တော့လဲ ဒီနေရာ.........
ဘာမှ မရှိတာကနေစတယ်....
ဒီလိုပဲ ဘာမှမရှိပဲ ထွက်ခွာ........
ကြားကာလမှာ ငါ့ကိုယ်ငါ ဖွပ်ဖွပ်ကြေအောင်ထောင်းရင်း...
သံသရာကိုမျက်ကွယ်ပြု...
အဲဒီတွင်းတွေ နက်ကောင်းတုန်း....။

တောင်ကြီးမိသားစုဖိုရမ်မှာ တင်ဖူးတဲ့ ကဗျာတစ်ပုဒ်ပါ

Friday, October 22, 2010

တင်းအား

အရာအားလုံး တစ်ခုတည်း ဖြစ်သွားခဲ့တယ်။

ကလေးလေး တစ်ယောက်လို
ငိုမယောင်မိုးတိမ်တွေ ပွင့်နေတဲ့ နှုတ်ခမ်းဆီက
ချွဲနွဲ့ဂီတများ
စိုရုံလေး တိုက်ခတ်သွားပြီးနောက်.....။

ကူးလွေ့

Friday, October 15, 2010

Rehearsal


ရှမ်းပွဲ အတွက် ဒုတိယ အကြိမ်မြောက် ရီဟာဇယ်ပါ။ စတူဒီယိုထဲမှာ မီး သီး လေး သေးသေး သုံးလုံးသာ ထွန်းထားပေးလို့ မှောင်မဲမဲ ဖြစ်နေတာလေး သီးခံပေးကြပါခင်ဗျား။ ဘလော့ပေါ် တင်ပြီးတိုင်း ကွာလတီအရမ်းကျသွားတဲ့အတွက် ဖူးစကရင် ကြည့်လို့အဆင်မပြေပါဘူးခင်ဗျာ..။ ကွာလတီမကျအောင်တင်တဲ့နည်းလေး ရှိရင် မ,စ ပေးကြပါဦး။

Sunday, October 3, 2010

အပိုင်းအစများ


ကျွန်တော်သုံးနေတဲ့ ဒီဘီအက်စ် ဘဏ်က  ပွဲကြည့်လက်မှတ်ပေါင်း သုံးထောင် မဲဖောက်ပေးတဲ့အထဲမှာ  လက်မှတ်တစ်စုံ မဲပေါက်တဲ့အတွက် သွားကြည့်ခဲ့ရတာလေးတွေပါခင်ဗျား။

Sunday, August 15, 2010

".................."

  


ဒီလိုနဲ့ပဲ...ငါတို့တွေ
နီးလာလိုက်....ဝေးသွားလိုက်
သက်ရင့်အချစ်တွေသာ ကိုယ်စီကိုယ်ငှ ထမ်းပိုးပြီး
စိတ်ကူးတို့ ထပ်တူ ကျမယ့်နေ့ကိုစောင့်တယ်

ဖွင့်ဟ...မပြောလဲ
ရင်မှာ ထပ်တူကျ အလွမ်းတွေ တနင့်တပိုး
ဘယ်လောက်ပဲ ဝေးစေဦးတော့...တို့နှလုံးသားတွေ
နီးကပ်..ပူနွေးမြဲ

ရွှေရောင် အိပ်မက်တွေ ရိတ်သိမ်းဖို့
အနာတရ လမ်းမ ရှည်ဝေးဝေးမှာ
ဘဝစားမြိန်ဝိုင်းလေး ဖွယ်ဖွယ်ရာရာ ပြင်ဆင်မထားနိုင်သေးတော့
ချစ်သူကို လက်ဆုံစားဖို့ လည်း မခေါ်ဝံ့ဘူး။

တစ်ကြိမ်သာ နီးရဖို့ အကြိမ်ကြိမ်လဲ ခွဲခွါ
ပြန်ဆုံချိန် ငါ့စာမျက်နှာပေါ်မှာလဲ
ချစ်သူရဲ့ "ကတိ" တွေ မပါဘူး
ကိုယ်တိုင်ယုံကြည်ထူမတ်ခြင်းနဲ့သာ ခိုင်မာပြီး
မင်းအတွက်
ငါ့ရင်မြေလေး မွမွကြေ ထွန်ယက်ပြီး ပျိုးခဲ့...စိုက်ခဲ့။
ကူးလွေ့

(ဂူဂဲလ် ကပုံပါ။)

Tuesday, August 10, 2010

တောင်တောင်အီအီ

တွေ့လို့ ရေးတာလေးပါ............
ခိုတစ်အုပ်နဲ့ ထမင်းတစ်ဆုပ်..............

စင်ကာပူ တိုက်ခန်းတစ်ခုနားမှာပါ.............. ကျွန်တော် ကာစတမ်မာ ပြန်အလာကို စောင့်နေတုန်း တိုက်နားမှာ အမှိုက်ကား အမှိုက်လာသိမ်းတယ်...............
အမှတ်တမဲ့ကြည့်နေမိတယ်........... ကားထွက်သွားတော့ အမှိုက်ဂိုဒေါင်ရှေ့မှာ ထမင်းလုံးတွေ ပြန့်ကျဲကျန်ခဲ့တယ်...
စင်ကာပူမှာ ဒါမျိုးလဲ ရှိသေးတာပဲ တွေးနေတုန်း... ခိုတစ်အုပ် ပြုန်းဆိုရောက်လာရော............
ထမင်းလုံးတွေကို အလုအယက်ပေါ့.............
မြင်ရခဲတဲ့ မြင်ကွင်းလိုဖြစ်နေတော့ ကြည့်နေမိတယ်............
အဲဒီအချိန်မှာပဲ ခို တစ်ကောင် ထပ် ဆင်းလာတယ်... ကိုယ်လုံးကိုယ်ထည်က အကြီးဆုံးပဲ....
ရောက်လာတာနဲ့ ရှိသမျှခိုတွေကို ရန်ရှာတယ်...
အစာလုတယ်... စားမာန်ခုတ်တယ်ပေါ့.................
သူက ပတ်ပီး လိုက်ထိုးနေတဲ့အချိန်မှာ ကျန်တဲ့ ခိုတွေက ပြေးဟယ်လွှားဟယ်နဲ့ တစ်လုံးတွေ့ တစ်လုံးကောက်စားသွားကြတယ်...
ဗလကြီးကတော့ လိုက်ထိုးဆိတ်ရင်း ပြန်ကြည့်တဲ့အခါ ထမင်းလုံးတွေ ကုန်နေခဲ့ပီ....
အသက်ကို ဖုတ်လှိုက်ဖုတ်လှိုက်ရှူရင်း ထမင်းကျန်ကို ပတ်ရှာနေတယ်....
ကျန်တဲ့ခိုတွေတော့ အေးအေးလူလူ ပျံထွက်သွားတယ်......
“အလိုကြီး အရနည်း” ဆိုတဲ့စကားလေး ခေါင်းထဲ တက်လာတယ်......

ထမင်းဝိုင်း

အိမ်နဲ့ ဝေးတိုင်း အိမ်ကို တနည်းနည်းနဲ့ လွမ်းနေရတာ.........
ဒီနေ့မွေးနေ့မှာတော့ အမေချက်တဲ့ ဟင်းတွေ... အဖေချက်တဲ့ ဟင်းတွေ မထိမတွေ့ပဲ နေနေရတာ....
နောက်ဆုံးဗျာ.......... အသားဟင်းစားရင်တောင် အရိုးတွေကျန်ရင် အိမ်က ကြောင်လေး ခွေးလေးတွေကို သတိရတယ်...
ကိတ်မုန့်စားရင်လဲ မျက်လုံးဝိုင်းကြီးနဲ့ ကြည့်ပီး တောင်းစားတတ်တဲ့ ခွေးနက်မကြီး... (အခုတော့ မရှိတော့ပါဘူး..)
အမေ့အသံကြားရင် ပြာနေတဲ့ ကြောင်တစ်အုပ်....
သူများအိမ်ကို ပေးလိုက်ပီး အိမ်မှာ ပြန်လာနေတဲ့ တစ်ကောင်တည်းသော ခွေးနက်ကလေး မဲလုံး.....
တွေးရင်း မျက်ရည်တွေလည်လာလို့ မွေးနေ့မှာ သီချင်းလေး တစ်ပုဒ် ချရေးဖြစ်တယ်....
သီချင်းစပ်ပီးတာနဲ့ အမေ့ကို ဖုန်းဆက်တယ်... စပီကာ ဖွင့်ခိုင်းပီးတော့ သီချင်းချက်ချင်း ဆိုပြဖြစ်တယ်....
မျက်လုံးမှာ မျက်ရည်စတွေနဲ့.....
အိမ်ကို လွမ်းလိုက်တာ

Sunday, August 1, 2010

Clone Shot


စိတ်ကူးတည့်ရာ လေးတွေပါခင်ဗျား။

Sunday, July 25, 2010

Sequence Shots 1


တစ်ခုခု ပေါ့ဗျာ။ လုပ်ကြည့်မိတာလေးတွေပါ။

Thursday, July 22, 2010

မိုင်တိုင်တွေရဲ့ သီချင်း

ငါတို့ရဲ့ တွေ့ဆုံချိန်လေး
ကြည့်နေရင်းကပဲ ခိုးယူခံလိုက်ရချိန်
မြင်နေကျ ငါ့မျက်လုံးတွေ ငတ်မွတ်ဖျားနာခဲ့ရပေါ့

မရှိခြင်းအနက်ရောင် ပွင့်ဖတ်တွေကြားမှာ
နေသားမကျတဲ့ စိတ် က
ည ရဲ့အရေခွံကို ဆုတ်ဖြဲ ပြေးထွက်တယ်
ဖွင့်ထားမယ့် တံခါးများဆီ
စွင့်ထားမယ့် နားတစ်စုံဆီ

ကောင်မလေးရေ...!
ဒါဟာ ငါ့ရင်နဲ့တီးခတ်တဲ့ ဂီတပါ
နင့် ပြတင်းရဲ့ အပြင်ဘက် မနက်ခင်းမှာ
ညနေမှာ...
ငါ့ အလွမ်း တွေ လှလှပပ
မိုင်တိုင်တွေ စိတ်လိုလက်ရ ကွေးညွတ်ထားတဲ့ လေပြေထဲမှာ
လွင့်ထွက်စီးမျောဆဲ ခေါ်သံများ...

ကူးလွေ့

Saturday, June 19, 2010

ရော်.....

တိတ်ဆိတ်နေတဲ့ စကားလုံးတွေ ပြန့်ကျဲ...
အဲဒီ အတွင်းကျကျ စားပွဲလေးမှာ...
သူမပါတဲ့ မနက်ဖြန်တွေ ချခင်း....
နေဝင်ခြင်းဟာ ရက်စက်လွန်းတယ်......

စိတ်လိုလက်ရ စိမ်းလန်းခြင်းတွေ....
ရင့်ရောညိုးချိန် မြေခလွယ်လွန်း...
ပွင့်ချင်တိုင်း ပွင့်ခဲ့ပီးမှတော့...
ခြွေရက်သူ အပြစ်မတင်ချင်တော့....

ဆိတ်ငြိမ်စွာပဲ သုံးသပ်နေမိတယ်...
ပုံသေနည်းတွေ ချခင်းတိုက်တတ်တဲ့...
အဲဒီမနက်တွေ ပြန်ပြန်လန်းလာအောင်...
နှလုံးသွေးနဲ့ ပြုစုပျိုးထောင်...

လေးဘက်လေးတန် ဘောင်ခတ် အခန်းကျဉ်းထဲ
ငါ့နံရံကို ငါပြန်ကျော်ဖို့...
စည်းမျဉ်းချ ဒဿနတွေထဲ...
အခုထိတော့ ငါလဲကျနေတုန်း....။ ။

ကမ္ဘာ့ ဖလားအတွက် LIVE Streaming

ကမ္ဘာ့ဖလား ကို အွန်လိုင်းက ရှာကြံကြည့်နေရတဲ့ သူငယ်ချင်းများအတွက် ကျွန်တော် ကြည့်နေတဲ့ Live Streaming ဆိုက်လေး တစ်ခု မျှဝေချင်ပါတယ်...။ ကြည့်ရတာအတော်လေးလဲ အဆင်ပြေပြီး ကြည်ကြည်လင်လင်လဲ ရှိပါတယ်။ ကွန်နက်ရှင် အတန်အသင့်ရှိရုံနဲ့ ကြည့်ရှုနိုင်ပါတယ်။
 လင့်ခ် ကတော့ ဒီမှာပါ။

http://lets-kickoff.blogspot.com/2010/06/watch-live-streaming-fifa-world-cup.html

ဒါရိုက်လင့်ခ် တွေကို ပွဲစ ခါနီး ဆယ့်ငါး မိနစ်အလိုလောက်မှ ပေးပါတယ်..။ သူ့ဆိုက်မှာ တင်ထားတဲ့ ပလေယာကနေလဲ တိုက်ရိုက်ကြည့်ရှုနိုင်သလို...သူပေးထားတဲ့ လင့်ခ် တွေ ကနေလဲ ကြည့်ရှုနိုင်ပါတယ်။လင့်ခ်တွေကိုလဲ အမြဲ အပ်ဒိတ်လုပ်ပေးထားပါတယ်။ ကြည့်နေရင်း တစ်ခါတစ်လေလိုင်းပျောက်သွားရင် လင့်ခ်ပြောင်းပြီး ကြည့်နိုင်ကြောင်းပါ ခင်ဗျား..။

ကူးလွေ့

*ကျွန်တော့်ရဲ့ ကမ္ဘာ့ဖလားရောဂါကို ဒီလင့်ခ်နဲ့ ကူညီဖြေရှင်းပေးတဲ့ ဘော်ဒါကြီး စိုးငွေကို အထူးပဲ ကျေးဇူးတင်ပါကြောင်း *

Tuesday, June 15, 2010

တိမ်တွေ ငိုတဲ့နေ့

ပိတ်ထားတဲ့မျက်ခွံတွေက
ပြုံးတယ်။

မုတ်သုန် စိတ်ကူးတွေ တသုန်သုန် ခတ်ပြီး
ငတ်မွတ် ဖျားနာနေတဲ့ ကောင်ပါ
ထီးတစ်ချောင်းရဲ့ နောက်ကြောင်းပြန်လမ်းမပေါ်
တုန်တုန်ရီရီ အိပ်မောကျ

သူမရေ....!
ဟောဒီ လက်ထဲက ရက်စွဲဟာ
ကောင်းကင်ရဲ့ ဂီတနဲ့အတူ ပွင့်တယ်
ခု
စွတ်စို ခွင့် ဘယ်ဆီမှာလည်း....?

ယောင်ယမ်းသံ ဆူညံတဲ့ နေ့ပါ
ပိတ်ထားတဲ့ မျက်ခွံတွေကတော့
ပြုံးနေတယ်။

ကူးလွေ့

Thursday, June 3, 2010

စိတ်ထွက်ပေါက်

လွဲခြင်းပေါင်းများစွာနဲ့...
ဟန်ချက်ညီညီ စီချယ်ထားတဲ့ ငါ့ရဲ့ည....
စိတ်ကူးတိမ်စိုင်တွေ ကြိုးနဲ့သီလို့..
ရင်ဘတ်ကို လေပြည်ငွေ့ငွေ့ပွန်း.........
ဟိုးအနောက်ယွန်းယွန်းဆီက ထုပ်ပိုးခြင်းမဲ့ ဆာလောင်မှုတွေ....
မှောင်ရီနေတာတောင် အလင်းကို သက်သေထူတုန်း...
သံသယ ရယ်သံပါးပါးထဲမှာ...
အမှန်တရားတွေ ခြောက်ချားတိတ်ဆိတ်.....
အဲဒီမနက်မျိုးမှာ ငါ့ကို ဘယ်သူနိုးခဲ့တာလဲ.....?

Tuesday, June 1, 2010

နေမျှော်တဲ့ပန်း

ရင်အိမ်ကို ဖွင့်ပစ်လိုက်တဲ့အခါ
နားတစ်စုံ စာ စကားတွေ
တဆစ်ဆစ်ကြွေသွားခဲ့

နှုတ်ခမ်းကို ထမ်းပိုးပြီး
ခေါက်ရိုးကျိုး မျက်လုံးတွေ မြည်တမ်းခဲ့
သိုသိုဝှက်ဝှက်
ပင့်သက် တို့ ငွေ့ရည်ဖွဲ့ခဲ့ကြ

ပျိုးထားတဲ့ ငါ့ ကောင်းကင်လည်း
ကြယ်သေတွေ ပွင့်နှင့်ပေါ့
အဆိပ်သင့်လရောင်ကို မြည်းစမ်းရင်း
ပျို့ပျို့လာတဲ့အလွမ်းတွေ
ငါ့ အခန်းထဲ တနင့် တပိုး....

ကူးလွေ့

Wednesday, May 19, 2010

ဆုံမှတ်များရဲ့ အလွန်

တိတ်တိတ်လေး ငါရပ်နေခဲ့တယ်............
တိုးတိတ်ညင်သာလွန်းတဲ့ ရင်ခုန်သံပါးပါးလေးကြားမှာ အချစ်ရော်ရွက်လေးကြွေကျ.........
ကောက်ယူသိမ်းဆည်းလိုက်ဖို့ ငါလက်တွေ လှမ်းလိုက်တယ်........
နှင်းစက်တွေ စိုနေသတဲ့လား ရွက်ဝါရယ်...........
သဲ့သဲ့လေး လှုပ်ရှားယုံနဲ့ နင်ဘာလို့ ခုန်ချခဲ့တာလဲ.................
ရင့်ကျက်နေတဲ့ ဒဏ်တွေနဲ့ အဝါရောင်ငယ် မဟာဆန်ချိန်မှ နင်မြေခရက်တယ်နော်............
စိမ်းစိုဝေဖြာဖူးတဲ့ အခက်အလက်တွေ . ကောင်းကင်ကို မျှော်ကြည့်ကြေကွဲ...........
မြေနီရောင် ခြောက်သယောင်းမှာ နင်ငြိမ်သက်စွာ လဲလျောင်းလိုက်ချိန်....
ဘယ်ဘက် ရင်အုံက ပါးပါးဆိုတယ် မျက်ရည်ခြွေ စွေတဲ့မိုးတဲ့လားကွယ်.....
ပင့်သက်ရှိုက် ခေါင်းမော့လိုက်ချိန်မှာ ငါ့မျက်ရည်တွေ ခုန် ချ လိမ့် ဆင်း...........

Monday, May 17, 2010

ဆိတ်သုဉ်းခြင်း

ကွယ်...
အထီးကျန်ဆန်လွန်းရဲ့

ပင့်သက်တွေ မြို မြို ချထားရတယ်
အနားမှာ နင်မရှိ

ကူးလွေ့

Wednesday, May 12, 2010

ဥယျာဉ်မှူး....

ပတ်သက်ခြင်း တဒင်္ဂလေးမှာ..
ချစ်ခြင်းတွေ ရွာသွန်းဖြိုးလို့...
ရောင်နီနဲ့ အပြုံးတွေချယ်သ...
တွေ့ဆုံချိန်နောက်ကျတာကို အပြစ်တင်ဖူးတယ်........

စိတ်ကူးတိုင်းလဲ တွေ့နိုင်ခဲတယ်....
ဆုံမှတ်တွေက ထက်ဝက်မက လွန်နေခဲ့သမို့....
ပျံသန်းတဲ့ အိပ်မက်နားချိန်မှာ
ငါ့ရင်တွေ ပြပြမောတယ်.....

ရယ်သံတွေ ကကြိုးသီလို့...
ငါ့အသက်တွေ တည်စေခဲ့သူရေ....
ပူနွေးတဲ့ မျက်ရည်ကောက်ကြောင်းမှာ...
အေးချမ်းနှစ်သက်ပျော်ဝင်တတ်ခဲ့ပေါ့.....

တစ်စိမ့်စိမ့်နဲ့ တစ်အေးအေး....
ခြုံလွှာလေးလို နွေးထွေးလွန်းတယ်ကွယ်....
ထွက်သက်လေးကို မှန်းမျှော် ကြည်နူးရင်း....
ငါ့ရဲ့ပါးပြင်ဟာ စိတ်ကူးရင်ခွင်ဆီ.....

လက်တစ်ကမ်းစာ အထိအောင်...
ပင့်သက်တွေ ကျယ်လောင်ဖူးတယ်...
ခေါက်သိမ်းထားတဲ့ ရင်ဘတ်ထဲက...
အချစ်တွေ သွန်ဆင်းသွားလိုက်တာ.....

မိုးရည်တွေ မြမြကျဲတိုင်း...
ငါ့ကိုယ်ငါ ဆေးကြောသုတ်သင်.....
ကလေးလေးရေ.....
ချစ်ခြင်းမေတ္တာမှာ ယဉ်ယဉ်လေး ရူးခဲ့ပေါ့.....

စိမ်းလန်းဖူးတဲ့ နေ့တွေ အကြောင်းမှာ...
မမေ့ရက်နိုင်ကောင်းအောင်တွယ်ငြိ...
အချိန်ပြည့် ပြုံးပန်းရှိရာ...
တေးသံသာတွေ ချိုမြသီကျူး.....

စူးနစ်စွာ ချစ်ဖူးပီးမှတော့...
မူးယစ်ချိန် ရပ်တံ့လိုက်တယ်....
ပန်းပွင့်ငယ် ပွင့်ဖူးခြင်းမှာ...
အရောင်စွန်းတွေ ကင်းပါစေတော့....

လှိုက်လှိုက်ဆူ ပူတဲ့နှလုံးမှာ...
ပေးဆပ်သူ ယဲ့ယဲ့ပြုံးတယ်...
လောင်းရိပ်မှာ တွယ်က ညိုးမယ့်အစား...
လွတ်လပ်စွာ စွင့်ငွားစေတော့....

ငါ့ကိုယ်ငါ ပြန်ခေါက်သိမ်းလိုက်တယ် ကလေးရေ...
မျက်ရည်စို နာကျင်ခက်လဲ
ကြွေကျမယ့် ထန်းသီးတစ်ချို့အတွက်....
မနက်ဖြန်တွေ မထိတ်လန့်စေနဲ့တော့........................။

Tuesday, May 11, 2010

နှုတ်ဆက်သံ

တစ်နေ့က ဖုတ်ကျီးသဂြိုလ်လိုက်တဲ့
သံယောဇဉ်အပိုင်းစတွေ
စိတ်လိုလက်ရ ပုတ်သိုးပျက်စီး...

အသိမိုးတွေခေါင်တဲ့
ကျီးအာသီးပြပွဲမှာ....
အရောင်လှတိုင်း ရောင်းလို့ မလောက်ဘူးတဲ့လား....

ထားလိုက်တော့....
တစ်စွန်းတစ်စ ဖွင့်လှစ်ကြည့်ခွင့်ရလိုက်တာ
တမင်မဟုတ်သလို သက်သက်လဲ မဖြစ်နိုင်ဘူး....
ပေးသူယူသူ လွဲတဲ့လမ်းမှာ...
အစကတည်းက မှတ်တမ်းတွေမလို......။

ပြုံးပြ ခေါင်းညိတ်ယုံနဲ့
အသိတွေပုံကျသွားခဲ့တာ.....
လှောင်ရယ်သံ ပြပြကြားမှ...
ငါ့နောက်ကျောမှာ ဓါးကို မြင်တယ်.....

ဒါလဲ ထားလိုက်ပါ....
တောင်းဆိုသံမဲ့စွာ ဖွင့်ချထားပေးမှတော့
သံယောဇဉ်သီးတွေ ပုပ်သိုးသွားတာ.
ပြစ်တင်မှုကင်းစွာပဲ..
တယုတယ ပြန်သိမ်းပေးလိုက်တယ်...
သုံညကအစမှာ တစ်မှ မရှိသေးပဲ....

ပြတ်သားလိုက်တယ် လေလွင့်ခြင်းရေ...
ထိခိုက်လဲ ပြုံးနေယုံတာ...
ငါ့မျက်လွှာတွေ မှိတ်ထားမှတော့...
သကာရည် ပါးပါးဖုံးလဲ....
နှစ်သက်ဖို့ ကြောက်တတ်သွားခဲ့...
ပဉ္စလက်တွေ ပြတဲ့သူရေ...
နင်ရွာတဲ့မိုးမှာ နင်ကိုယ်တိုင် မနစ်မွန်းစေနဲ့
ထုတ်ချင်းခတ်ထိတဲ့မြားအတွက်
နင့်ကို ငါ ဦးညွှတ်ထားတယ်.....။

Wednesday, May 5, 2010

ကမ်းပါး

အိပ်မက်ထဲက နိုးထလာခဲ့သလိုလား
ထင်မှတ်မထားတဲ့ ရက်စက်ပြတ်သားမှုတွေ
မိုးပြိုတာကို မှင်တက်မိနေတုန်း
စက္ကန့်ပိုင်းလေးထိကို စကားသံတွေ ချိုလွန်းသေးတယ်...

ရေပက်မဝင် ဖြေရှင်းချက်တွေက
မာနအရံအတားကို ကျော်လွှားနိုင်ခြင်းမဲ့တယ်
လက်ဖဝါးကို လှန်ကြည့်တတ်ဖို့
မျက်ရည်တွေ နှစ်ချို့ရမှာလား.....

အရင်းခံ စိတ်ရိုးလေးနဲ့
ဒူးထောက်လို့ ရိုကျိုးနေခဲ့တာ
အမှိုက်တစ်စလို ပြတ်သားခံရချိန်တော့
သမုဒ္ဒရာလယ် သင်္ဘောမှောက်သလိုပဲ.........

ရင်အဆုံးထိ ဖွင့်ပေးတာတောင်
ကျောဘက်ထိ ဖောက်ထွက်ရှာတတ်လွန်း
ချခင်းစရာ ကုန်ချိန်ထိအောင်
ဒီပွဲက လှမလာခဲ့ဘူး.........

လွှမ်းခြုံကာ ချည်နှောင်ခံရင်း
အပြုံးကိုသာ ရိုးသားစွာဆာလောင်ခဲ့တာ
မျက်ရည်တာ ကျိုးကျချိန်မှ
လမ်းခုလတ်မှာ ငိုကြွေးမရတဲ့ဘဝ.....

မြင်လှည့်စမ်းပါ ဒီရင်ထဲကို
နားလည်မှုကိုသာ တောင့်တခဲ့တာပါ
အကြွင်းမဲ့တည်တဲ့ မေတ္တာထုမှာ
စကားလုံးအတုတွေ မသုံးနှုန်းခဲ့ပါဘူး.....

အခု
ချောက်ကမ်းပါးလေးရဲ့ အစွန်ဖျားမှာ
တိုးတိတ်စွာတောင်းဆုခြွေနေယုံ
မနက်ခင်းလေးရေ...
ကျေးငှက်တွေ သာနေလဲ ငါ့ရင်နာနေတယ်...................။ ။

ကမ်း

ရေကျချိန်မှာ ခြေကုန်လက်ပန်းကျပီး ကမ်းကို ကပ်မိဖို့ ကြိုးစားနေသူတစ်ယောက်လို ဘဝဟာ သံယောဇဉ်ပင်လယ်ပြင်မှာ ယောင်ချာချာ....
သက်သေလှိုင်းတွေ တစ်လုံးပြီးတစ်လုံး လှိုင်လှိုင်တက်သာ သွားတယ်... ခန္ဓာကို ပင်လယ်ထဲ ပြန်ပြန်ဆွဲချ...
လုံးချာပဲလိုက်နေတာလား.. ပြေးသူနဲ့ ပုန်းသူ၊ လိုက်သူနဲ့ ရှာသူ...။ တွေ့နေပေမယ့် မြင်ဖို့ခဲသလိုပဲ...
ဒူးထောက်လက်မြောက်ထားရင်း မေးခွန်းတွေကို ဖြေဖို့စောင့်နေတယ်...
ရလဒ်မကောင်းမှာ ကြိုသိထားတဲ့ အလုပ်ဝင်အင်တာဗျူးလိုမျိုး.. ကံတရားကို မျက်နှာချိုသွေးဖို့ စိတ်ကို မြေမှာ ဝပ်ဆင်း ပြင်ဆင်....
လေပြင်းတွေ တိုက်ခဲ့တာလား.. လေညှင်းတွေ လာမယ်လို့ အချက်ပြတာလား.. မှတ်ထင်သိရှိနေတာတော့ ပင်လယ်ဟာ မုန်တိုင်းထန်လွန်းတယ်....
တစ်ဘက်စောင်းနင်း မှတ်ချက်တွေနဲ့ သိတတ်မှုတွေ သိမ်ငယ်လွန်းပေမယ့် မှတ်ကျောက်တင် သံယောဇဉ် အဖြူရောင်ထဲမှာ ဒူးထောက်ကာ တိုက်ပွဲဝင်ရဦးမယ်...
မှန်သောစကားကို သစ္စာလို ဆိုရင်း အချိန်တန်ရင် ကောင်းကင်မှာ လမင်း ထွန်းပါစေလို့ မျက်ရည်ကြည်လေးနဲ့ ထွန်းငြိလိုက်တယ်......
ရောက်ခဲလှတဲ့ ကမ်းခြေမှာ ပန်းတွေ လှိုင်မွှေးစေတော့.....

Sunday, May 2, 2010

စကား

စကား..........
ကိုယ်လိုချင်တာကို ပုံစံဖော်ဖို့ သုံးနှုံးပြောဆိုကြတယ်.... ဘာသာစကားတွေ ဘယ်လောက်ကွဲကွဲ အဓိပ္ပာယ်ကို သယ်ဆောင်နေတာပါပဲ.....
ဆက်သွယ်ပြောဆိုနေကြတာ.. နည်းမျိုးစုံ.........။ စာရေးသလို၊ ပြောလဲ ပြောရဲ့....။
ကြားထဲမှာ သယ်ဆောင်ပေးတဲ့အဓိပ္ပာယ်နဲ့ လက်ခံနားလည်မှုလေး ချိတ်ဆက်မိဖို့ အရေးကြီးတယ်.........
အထင်လေးတစ်ချက် လွဲစေခြင်းဟာ တော်တော် ဆိုးဝါးတဲ့ ဆက်သွယ်မှု ကန့်လန့်ကာကြီးတစ်ခုလိုပါပဲ...
စေတနာတွေ လွန်သွားရင် ရေစီးကမ်းပြိုစကားတွေဟာ ကမောက်ကမ သံစဉ်တစ်ခုလို အဓိပ္ပာယ်တွေက ဝိရောဓိ...
ရှင်းရတာလွယ်ပေမယ့် စွဲမှတ်သွားတာက နှုတ်ရခက်တဲ့ သညာ............
သွားမယ် မသွားဘူး နှစ်ခွန်းထဲမှာ ပဲ အဓိပ္ပာယ်တွေ ကိန်းအောင်းနေလိုက်တာ....
သွားမယ် ပီးမှာ မသွားတော့ဘူး ပြောလိုက်တာဟာ.... အကြောင်းတွေ တစ်စုံတစ်ရာ တိုက်ဆိုင်ခဲ့ရင် စိတ်ဆိုးတာလို အဓိပ္ပာယ်မျိုး သယ်ဆောင်တယ်...။
တစ်ခါတစ်ရံ သိတတ်နားလည်မှုကို သယ်ဆောင်တယ်...။ ဖတ်သူရဲ့ စိတ်ခံစားချက်ပေါ်မူတည်ပီး ကွဲတာပေါ့...
နားတော့ ရှုပ်စရာ... ။ ဥပမာ... အခန်းထဲက ငါသွားတော့မယ် လို့ နှုတ်ဆက် အထွက်မှာ သွားတော့လို့အပြောနဲ့ကြုံမယ်...။ မသွားတော့ဘူးလို့ ပြန်လည်ပြင်ဆင်လိုက်ပါပီတဲ့ အဓိပ္ပာယ်တွေက ပေါက်ကရ ဖြစ်ကုန်ရော...။
တစ် သွားခါနီးမှာ သွားတော့လို့ အပြောခံလိုက်ရလို့ စိတ်ဆိုးပီး မသွားတော့ဘူးလို့ ရွဲ့တာလား...
နှစ် သွားခါနီးမှာ သွားတော့လို့ကြားလိုက်တာ မသွားစေချင်သေးဘူး ခံစားမိပီး စေတနာနဲ့ အလိုက်သိတတ်စွာ မသွားတော့ဘူးလို့ ပြင်ဆင်ခြင်းမျိုးလား...။
သုံး ကိုယ့်ဟာကိုယ် စိတ်မပြတ်သားတာမျိုးလား...
လေး သွားချင်စိတ် ကုန်တာလား..
လားပေါင်းများစွာ.... အဲဒါ စကားလေး သုံးခွန်းထဲက သယ်သွားတဲ့ ပြဿနာ....
အင်း ကာလံဒေသံကို လိုက်လို့ သုံးနှုံး တတ်ရင်တော့ ပိုကောင်းတာပေါ့လေ....
စကားဟာ တိုတိုင်းမကောင်းဘူး... ရှည်တိုင်းလဲ အကြောင်းမထူးတဲ့....
အင်း ဒီကလေး စကားတတ်လိုက်တာတဲ့.. တစ်ကယ်ကော တတ်ရဲ့လား.........
ပြောတတ်ယုံပဲလား.. နားကောထောင်တတ်ရဲ့လား..........
စကား .. စကား.. စကား....

Wednesday, April 28, 2010

အမေ

ဝမ်းတွင်းမှာ လွယ်စဉ်ကတည်းက
တမ်းချင်းတွေနဲ့ ချစ်ခြင်းဖွဲ့တည်
အားတင်းကာ ဝန်ကိုချီမ
ဘဝသစ်ကို ပုံစံချဖို့................

အဆုံးစွန်အောင် နာကျင်ခက်လဲ
အပြုံးမွန်နဲ့ အောင်နိုင်ခဲ့ပေါ့
ချွေးသံတည် မျက်နှာနှုံးနဲ့
ပီတိဖြာ အမေ့မျက်လုံးတွေ.................

လှိုက်လှိုက်အော် ငိုသံပေးတဲ့...
ရင်သွေးငယ် ချိုသံတေးကို
စိတ်မှာခင် သူပြန်ပေးတယ်
လိုအပ်သမျှ လုပ်ကျွေးသုတ်သင်........

စကားငယ်မပီ တီတာပြောတော့
မျက်ရည်ကြည် ဝေဖြာဇောနဲ့
တွန်းတိုက်တည် သင်ကာပေးတယ်
ခေါ်စမ်းကွယ့် အမေ....

ခြေစုံကို တည်ကာရပ်တော့
လေဟုန်ကို ပြန်ကာထွက်ဖို့
အတောင်တွေစုံ ပညာတတ်ဖို့
လူရာသွင်းပို့ပေးတယ် ကျောင်းတော်ရပ်ဆီ.....

ပညာစုံ အတောင်ထွက်တော့
ရင်ကိုကန် ပျံကာတက်တယ်
ရင်သွေးငယ် လူရေတက်ကို
သွင်မပြတ်စီးဆင်း ချစ်ခြင်းနဲ့ဝေ....

ဒုက္ခကြုံ မနေတတ်မှ
သောကအစုံ သယ်လာပေးလဲ...
သုခဘုံထင်ကာမှတ်တယ်
တုနှိုင်းရယ်မှီနိုင်ဘု မေတ္တာထုကို...

ခွန်းချီငယ် ပြန်ကာပြောလို့
ချစ်တယ်အမေ မဆိုနိုင်ခဲ့ဘု
နောင်တလွန် ဆိုချိန်မရောက်မှီ
အပြေးပြန်ကာရင်ငွေ့နွေးသို့ လှမ်းမျှော်စိတ်ရည်....

သားတော်ငယ် သည်အပြစ်ကြွေးကို
မေတ္တာရည် တည်ကာဆေးမယ်
မေမေ့ရင် ပြန်ကာနွေးဖို့
ဦးညွှတ်ကာလက်အုပ်မိုး ရှိခိုးမိသည်...


မေမေ့ရဲ့ အနန္တကျေးဇူးဂုဏ်ကို အမေများနေ့ အမှတ်တရအဖြစ် သား ဒီကဗျာလေးနဲ့ ကန်တော့လိုက်ပါရစေ အမေ....

Sunday, April 25, 2010

စီးဆင်းတဲ့ရေ.....

အား... ငါ ဘာဖြစ်သွားတာလဲ...။ ငါ့ ဘယ်လက်တစ်ခုလုံး လှုပ်မရပါလား...။ ဟင် မိုးရည်တွေ ဘယ်က ကျလာတာလဲ..၊ ငါ ကားထဲမှာမလား...။ ဘာလို့ မိုးစိုနေပါလိမ့်...။ ငါ အခု ဘယ်မှာလဲ...။ ဟော ဥသြသံတွေကြားတယ်...။ လူတွေ ငါ့ဆီလာနေတယ်...။ ဟာ.... ငါ ကားအက်ဆီးဒင့်ဖြစ်တာပဲ...။ ငါ့ကို လော်ရီကားကြီး ဝင်တိုက်တာ..။ ဘယ်လိုမှ ထိန်းမရတော့လို့ ငါ တစ်ခြားကားတွေ ဆင့်တိုက်မိတာပဲ...။ လမ်းဘေးက အရံအတားတိုင်ကိုသာ မတိုက်မိရင် ငါ့ကား ဘယ်အထိ လိမ့်သွားမယ်မသိ....။ ကျွတ်ကျွတ်ကျွတ်.. ငါ့ခေါင်းကလဲ နာလိုက်တာ...။ တစ်ခုခုနဲ့ ဆောင့်မိတယ်ထင်တယ်...။ အား...။ ဖုန်း လေး မီးလင်းနေပါလား...။ မက်ဆေ့ခ်ျ ဝင်တယ်ထင်တယ်....။ ငါ့ မောင်လေးဆီကဖြစ်မယ်...။ ဟုတ်နိုင်တယ်.. သူနဲ့ စကားခုနလေးတင်ပြောနေတာ...။ ရာသီဥတုဆိုးလို့ ဖုန်းကျသွားတာ...။ ဖုန်းလေးကို မလွှတ်တမ်း ကိုင်ထားမှပါ...။ ငါ့ကိုယ်နဲ့ ကပ်နေမှရမယ်...။ မဟုတ်ရင် မောင်လေးကို အဆက်အသွယ် လုပ်လို့ရမှာမဟုတ်ဘူး...။ အမြင်တွေ ဝါးလိုက်တာ...။ အင်း... ငါ့ကို သယ်သွားကြပီ...။ ဘယ်လက်က လှုပ်မရပါလား...။ နာလိုက်တာ..။ ကျွတ်ကျွတ်....။ ငါ့ကို ဘယ်ထဲ ပို့ကြတာလဲ...။ အရေးပေါ်ခန်းတဲ့...။ မောင်လေး ဘာပို့လာတာလဲ ကြည့်ဦးမှပါ...။ အော် အိမ်ပြန်ရောက်ရင် ဖုန်းဆက်ပါတဲ့...။ သူအားပီတဲ့...။ မောင်လေးရေ အမ အိမ်ပြန်မရောက်နိုင်သေးဘူးက
ွယ်...။ ငါငိုလို့မဖြစ်သေးဘူး.. ။ မောင်လေး ကို မက်ဆေ့ခ်ျပြန်မှတော့ဖြစ်မယ်..။ မဟုတ်ရင် စိတ်ပူနေလိမ့်မယ်...။ ဖုန်းမကျခင်တောင် ဂရုစိုက်မောင်းဖို့ တဖွဖွ မှာနေတာ...။ အက်ဆီးဒင့်ဖြစ်တယ်ဆိုတာကိုသာသိရင် ရင်ကျိုးလိမ့်မယ်...။ ငါ ပြောပြလိုက်ရမလား...။ မပြောလဲ သူသိမှာပဲ...။ အဲလို ဆို ပိုတောင် စိတ်မကောင်းဖြစ်သွားလိမ့်မယ်...။ ပြောပြလိုက်ပါမယ်..။ ဒါပေမယ့် လက်ကျိုးသွားတဲ့အကြောင်းတော့ မပြောဘူး...။ အိုကေ.. မောင်လေးရေ အမ ဖုန်းမခေါ်နိုင်သေးဘူး.. အက်ဆီးဒင့်ဖြစ်လို့ အရေးပေါ်ခန်းရောက်နေတယ်... ။ ရပီ ဒီလောက်ဆို...။ အင်း ငါ့ညာလက် ကောင်းနေသေးတာ ကျေးဇူးတင်ရမယ်...။ မက်ဆေ့ခ်ျပို့လို့ရသေးတယ်...။ .................။ နာလိုက်တာ...။ မက်ဆေ့ခ်ျတော့ပို့လိုက်ပီ..။ ဆရာဝန်တွေက ငါ့ကိုဘာလို့ စစ်နေတာလဲ...။ ထင်တဲ့အတိုင်းပဲ မောင်လေးဆီက မက်ဆေ့ခ်ျ ချက်ချင်းဝင်လာတယ်...။ ဟာ တဲ့.. ပိ ဘယ်လိုဖြစ်တာလဲ... ပိ အိုကေရဲ့လားတဲ့...။ မအိုကေဘူးကွယ်...။ စိတ်ထဲကသာ ပြောဖြစ်လိုက်တာပါ...။ လက်ကတော့ အိုကေပါတယ်.. ဘယ်လက်နဲနဲနာတယ်၊ နောက် လက်ပင်းနဲနဲ နာတယ်... ဘာမှ မဖြစ်ဘူး ... မစိုးရိမ်နဲ့လို့ပဲ ရိုက်ပို့လိုက်တယ်...။ မက်ဆေ့ခ်ျပြန်ဝင်လာတယ်... စိုးရိမ်ရလား၊ ကြီးလား၊ ပိရယ်တဲ့....။ အင်း မောင်လေး စိတ်တအား ပူနေတာကို ခံစားမိတယ်...။ ငါ မြင်နေတယ် မောင်လေးရယ်... ၊ ဒီရင်ထဲကနေ မြင်နေတယ်...။ ဟော ဒေါက်တာတွေ လာကြပီ.. ။ ငါ့ကို ခွဲစိတ်ခန်း ချက်ချင်း ဝင်ရမယ်တဲ့...။ အိမ်သားတွေကိုလဲ အကြောင်းကြားထားတယ်တဲ့...။ ငါ့သားလေး စိတ်အားငယ်နေရော့မယ်...။ အတွေးတွေကလဲ ယောက်ယက်ခတ်နေတာပဲ...။ ငါ့ကို မေ့ဆေး ပေးပီးခွဲမယ်တဲ့...။ အရိုးကို ပြန်ဆက်ပီး ဝင်နေတဲ့ မှန်စတွေလဲ ထုတ်ရဦးမယ်...။ မောင်လေးရေ.. အမကို သတိရနေနော်...။ မေ့ဆေးငွေ့ကို ရှူရင်း လောက်ကကြီးက ဝေဝါးသွားတယ်...။

အင်း ဘယ်ဘက်လက်က မခံမရပ်နိုင်အောင် နာလိုက်တာ...။ လေဆာနဲ့ တစ်ခါတည်း ပြန်ချုပ်ထားပေးပေမယ့် နာလိုက်တာ..။ ပတ်တီးထူထူအောက်ကနေ နာကျင်နေတဲ့ ဒဏ်ရာကို တွေ့နေတယ်...။ ဖုန်းထဲက မောင်လေး ပို့ထားတဲံ မက်ဆေ့ခ်ျတွေကိုတွေ့တယ်...။ ဟော မတ်ဖြစ်သူ လာကြိုပီ...။ အိမ်ပြန်ရတော့မယ်..။ ပျော်လိုက်တာ..။ ဖုန်းကတော့ မိုးရည်နဲ့ ထိပီးပျက်သွားပီ...။ အသစ် ဝင်ဝယ်မှပါ...။ မတ်ဖြစ်သူက လက်မခံဘူး..။ အိမ်ကို အရင်ပို့တယ်..။ မောင်လေး မျှော်နေတော့မယ် ငါ့ကို..။ ငါ့မောင်လေးကို အသည်းနစ်အောင် ချစ်တယ်...။ သူ့ကို ပေးမျှော်နေလို့မဖြစ်ဘူး... ။ အိမ်ပြန်ရောက်ပီ...။ မတ်ဖြစ်သူက တွဲပီး အခန်းထဲ ပို့ပေးတယ်...။ ညာလက်ပဲ အားတော့တာ မောင်လေးရေ...။ နှုတ်ဘွတ်ခ် အသေးလေးကို ဖွင့်ပီး အွန်လိုင်းတက်လိုက်တယ်...။ မောင်လေး မွေးနေ့လက်ဆောင် ပေးထားတဲ့ အကောင့်လေးနဲ့...။ ထင်တဲ့အတိုင်းပါလား..။ အွန်လိုင်းမှာ မောင်လေးကိုတွေ့တယ်..။ အား ခေါင်းက ထိုးလိုက်တာ...။ မောင်လေး မေးနေပီ..။ လက်ကျိုးတယ်ဆိုတဲ့...။ မျက်ရည်တွေက ဘာလို့ ချက်ချင်းဝဲတာလဲ...။ ငါမငိုဘူး..။ မောင်လေး စိတ်ဆင်းရဲတော့မယ်...။ ပါးပါးလေး ပြောလိုက်မယ် အရိုးအက်တာပါလို့...။ ပြောပြလိုက်တယ် မောင်လေးကို၊ အရိုးအက်တာပါ.. ဘာမှမဖြစ်ပါဘူး၊ ခွဲပီး လေဆာနဲ့ ဆက်ပီး ချုပ်ပီးသွားပီလို့....။ မောင်လေး သနားပါတယ်... ။ ငါပြောတာကို ချက်ချင်းယုံပီး ပျော်သွားတယ်..။ အဟား မောင်လေးရယ် ပိလက်နာနေတာကို ချက်နေသေးတယ်...။ နားနေလေတဲ့...။ ချစ်လိုက်ရတာ မောင်လေးရယ်... ဒါကြောင့် ..။ သူက ငါဟောက်ရင် ကြောက်တယ်...။ နောင့်နဲ့ ပြောရင် အားရှိတယ်လို့ ပိပြောထားတယ်လေ ဆိုပီး ဟောက်လိုက်ဦးမှ...။ ထင်တဲ့အတိုင်းပဲ သူ ငြိမ်သွားတယ်..။ မပြောရဲတော့ဘူး...။ လက်ကလဲ နာလိုက်တာ..။ ခေါင်းတွေကလဲ ကိုက်လိုက်တာ..။ ဒါပေမယ့် ငါငြိမ်လိုက်ရင် မောင်လေး သိသွားတော့မယ်...။ သူက လူလည်လေး..။ ညာလက်တစ်ဖက်ကိုပဲ အဆင်ပြေအောင် သုံးရင်း ချက်နေလိုက်မယ်...။ အင်း ချက်လဲ ချက်ချင်ပါရဲ့ မောင်လေးက အလုပ်မှာဆိုတော့ အလုပ်ပျက်နေဦးမယ်...။ ပေးနားလိုက်ပါမယ်...။

အား ခေါင်းတွေ ထိုးလိုက်တာ... ။ ဖျားချင်နေသလိုပဲ...။ အဖျားတိုင်းကြည့်ဦးမှ...။ ဟာ... ၁၀၄ ဆိုပါလား...။ ငါဘာလို့ အဲလောက် ကိုယ်ပူနေတာလဲ...။ ခေါင်းလျှော်မိလို့လား..။ မဟုတ်ပါဘူး...။ မောင်လေးသိရင်တော့ ငါ့ကို ဆူတော့မယ်...။ သူ သိနေတာ ခက်တယ်...။ ပြောပြလိုက်မှပါ...။ ပြောပီ ငါ့ကို...။ ခေါင်းလျှော်လိုက်လို့နေမှာတဲ့..။ နောက် မလျှော်ရဘူးတဲ့...။ နားရမယ်တဲ့...။ အမ ကျေနပ်တယ်မောင်လေးရေ... ။ အဲလို ဂရုစိုက်တာ ..။ ရှိနေတဲ့ ညာလက်လေးတစ်ဖက်ကို အားပြုပီး ပြောနေရတာ အားမရလိုက်တာ...။ ဘယ်လက်ကလဲ ဘာလို့ အခုထိအောင် နာနေတာလဲ..။ လက်ချောင်းတွေကလဲ လှုပ်လို့ကို အဆင်မပြေ....။ ဟော မောင်လေးပြောတယ်.. စောစောနားရမယ်တဲ့...။ ဘယ်နှစ်နာရီ အိပ်ရမလဲ ဆိုတော့ ဆယ်နာရီအိပ် လေးနာရီထတဲ့...။ အမ နားထောင်မယ် မောင်လေး...။ တစ်ကယ်ဆို မင်းလေးနဲ့ စကားတွေ မပြတ်တန်းပြောချင်နေတာ...။ ဒါပေမယ့် နားမယ်..။ မနားလို့ မရအောင် ခေါင်းတွေ ထိုးလို့ မောင်လေးရေ...။ မတ်ဖြစ်သူ သိသွားတော့ သူ့ကို ဆေးရုံတန်းပို့တယ်..။ သူ့ခေါင်းကို စကင်ဖတ်တယ်...။ ဟာ.. သွေးခဲတွေ့တယ်တဲ့..။ ဒါကြောင့် ငါ့ခေါင်းတွေ ထိုးနေတာကိုး...။ မောင်လေး သိလို့ မဖြစ်ဘူး...။ သူ အရမ်း စိတ်ထိခိုက်သွားလိမ့်မယ်...။ ငါလိမ်ရမယ် ကလေးရယ်...။ စိတ်တော့မကောင်းပါဘူး...။ ဝင်လာတဲ့ မက်ဆေ့ခ်ျတွေကို ကြည့်ရင်း ပါးပြင်တွေ ပူနွေးလာတယ်...။ ငါ့မျက်ရည် ကျပြန်ပီ မောင်လေးရေ...။

နက်ဖြန် ခွဲခန်းဝင်ရတော့မယ်...။ ငါ သတိ ပြန်လည်ချင်မှလည်မယ်...။ လည်ရင်လဲ အားလုံးကို မှတ်မိချင်မှ မှတ်မိမယ်တဲ့...။ မောင်လေးရေ...။ အမ ရင်ထဲမှာ ငိုကျွေးနေတယ်...။ ဒါပေမယ့် မောင်လေး မသိစေရပါဘူး..။ စကားပြောရင်း မောင်လေးရဲ့ ဂရုစိုက်မှုတွေ ခံစားရင်း ရင်တွေ ပိုနာလာတယ်...။ မောင်လေးကို အမ ညာပီး မသွားရက်တော့ဘူး...။ မောင်လေးရေ မင်းအမ မနက်ဖြန် ခွဲခန်းဝင်ရမယ်...။ ထင်တဲ့အတိုင်းပဲ မောင်လေးဆီက မေးခွန်းတွေ တလစပ်ဝင်လာတယ်...။ သူသိနေပါလား..။ ဆေးရုံ ပြန်တက်ရမယ်ဆိုတာကို... ပြောလက်စနဲ့ ပြောလိုက်ပါမယ် မောင်လေးရေ..။ မင်းကိုတောင် မှတ်မိချင်မှ မှတ်မိတော့မှာ...။ ဘာတဲ့ မောင်လေး ပေးမသွားရင် အမ ဘယ်မှ သွားခွင့်မရှိဘူးတဲ့လား...။ ငါ့ကို ငိုအောင် လုပ်နေတာလား ကလေး...။ မင်းကို မခွဲနိုင်တာ မင်းလေး အသိဆုံးပါ မောင်လေးရယ်...။ ငါ့ဘဝကလဲ ဆိုးလိုက်တာ...။ ငါ့မောင်လေး လက်ထပ်ပွဲကိုတောင် ငါ သိပါတော့မလား...။ မနေ့က မောင်လေးရဲ့ ကောင်မလေး အင်တာနက်ကနေ ဖုန်းဆက်သေးတယ်..။ အလိုက်သိလိုက် တဲ့ကောင်မလေး..။ ညီမလေးလို့ပဲ ခေါ်ဖြစ်တယ်..။ ငါ့ညီမလေး ဖြစ်လာမှာကိုး...။ အား ခေါင်းတွေ ထိုးလိုက်တာ..။ ငါ ငိုနေပီ မောင်လေးရေ...။ ဆယ်နာရီလဲ ထိုးတော့မယ်...။ အိပ်ချိန် ရောက်တော့မယ်...။ ငါ မအိပ်ပါရစေနဲ့ မောင်လေး...။ မောင်လေးကို ပြောတော့ သူ နားလည်တယ်...။ စကားတွေ ပြောပေးတယ်..။ ငါ့ကို ဖက်ထားပေးပါမောင်လေး...။ ငါ့လက်တွေကို ဆွဲထားပါ...။ ငါ့ကို မလွတ်လိုက်ပါနဲ့။ ငါ့ကို ဘယ်အခြေအနေ ရောက်ရောက် မမေ့လိုက်ပါနဲ့...။ အရမ်းချစ်တယ် မောင်လေးရေ...။ အမတစ်ယောက် ရင်ကွဲသံကို မင်းလဲ နားလည်မှာပါ....။ မောင်လေး အသံတွေ တုန်နေတယ်..။ ဒါပေမယ့် ငါပျော်အောင် ဟန်လုပ်ပီး လေသံကို ပျော်ထားတယ်..။ မောင်လေးရယ်...။ ငါသိတာပေါ့...။ ငါ့ရင်ထဲမှာ မင်းကို အတိုင်းသားမြင်နေတာလေ...။ အား ငါ ကိုယ်ခန္ဓာ တစ်ခုလုံး မလှုပ်နိုင်တော့ဘူး...။ ညာလက်လေးပဲ ကျန်တယ် မောင်လေး...။ ဒါပေမယ့် အားအင်တွေ ပြည့်နေတယ်...။ ဘာလိုလိုနဲ့ မနက်ခင်းကို ရောက်လာတယ်...။ မောင်လေးရေ.. ငါ့ကို ခေါင်းတွေ ဖြီးပေးနေတယ်...။ ဆေးရုံကို သွားတော့မယ်...။ အမကို အားတွေ ယူသွားမှရမယ်...။ မောင်လေးရေ မင်းအသံလေးတွေ အမ ကြားသွားချင်တယ်...။ မှတ်သွားချင်တယ်..။ ပရင့်ထုတ်ထားတဲ့ ပုံကို ကြည့်ပီး အမ တိတ်တိတ် ငိုနေရတာ ...။ ဟော လာပြောပီ...။ ဖုန်းခေါ်လိုက်မယ်...။ တစ်ဖက်က မောင်လေး အသံကို ကြားလိုက်မှ နာကျင်နေတာတွေ သက်သာသွားတယ်..။ အင်း... လမ်းတစ်လျှောက်မောင်လေးကို အမ ပြောပြမယ်နော်..။ အလာပသလာပတွေပေါ့...။ အဲလိုနဲ့ ဆေးရုံဝင်းထဲ ဝင်လာတယ်..။ အမကို ခေါင်း စကင် ထပ်ဖတ်မယ် မောင်လေး...။ ပီးရင် အမကို ခွဲတော့မယ်...။ လက်မလွှတ်ပါဘူးတဲ့လား မောင်လေး...။ အမ ဖုန်းချမယ်နော် ပီးမှ ပြန်ခေါ်လိုက်မယ်...။

ဟဲလို...။

ဟဲလို ပိလား...

ဟုတ်တယ်နောင့်... ပိခေါင်းကို စကင်ဖတ်ပီးပီ...။ သွေးခဲက သေးတယ်တဲ့... ဒါပေမယ့် ခွဲဖို့ ဆရာဝန်တွေနဲ့ ပိ အကို နဲ့ တိုင်ပင်နေတယ်...။

ဟုတ်လားပိ.... ဘယ်လိုဖြစ်ဖြစ်ခွဲရမှာပေါ့နော်....

အင်း ခွဲရမယ် နောင့်...။ အခု ပိရဲ့ ဆရာဝန် လာနေတယ်....။ ခဏလေး ပိ နှုတ်ဆက်လိုက်ဦးမယ်...

အော့ ပိ ...

အင်း သူက ပိကို ခွဲစိတ်နေစဉ်တစ်လျှောက် လိုက်မှတ်ထားရမှာလေ...။ ပိက သူ့လူနာဆိုတော့...

အော့

အဲဒါမှ သူ အကြောင်းစုံသိမှာ...

အော့ ပိ

ဟော.. ပိ ဆရာနဲ့ သူငယ်ချင်းတွေ လာနေတယ်....

ဟုတ်လားပိ...

အင်း လာနေကြပီ... အဟင့်... ဟင့်...

ပိ.....

ဟင့်... အဟင့် ... နောင့်... အီး......

ပိ ရယ်.. မငိုပါနဲ့.. နောင့် တစ်ယောက်လုံး ရှိတယ်လေ...။ ပိဘေးမှာ နောင့် တစ်ယောက်လုံး ရှိတယ်လေ.....

နောင့်ရယ်.. ပိကို ခွဲကြတော့မယ်.. နောက်ဆယ်မိနစ်ဆို ပိကို မေ့ဆေး ပေးတော့မယ်.... အဟင့် ဟင့်....

ပိရယ်.. မေ့ဆေးက ပိရဲ့ ခန္ဓာကိုယ်ကိုပဲ ပေးနိုင်တာပါ...။ နောင့်က ပိရင်ထဲမှာလေ...။ ပိလက်ကို ဆုပ်ထားပေးတယ်..။ နောင့် မလွှတ်ဘူး... ။ ပိ မှတ်ထား...။ နောင့် ခွင့် ပြုချက်မရပဲ ပိ ဘယ်မှ မသွားရဘူး...

...................... ဟင့် ဟင့်.............

ပိ... နောင့်တို့ အတူတူ တိုက်ပွဲဝင်မယ်နော်....။ ပိရင်ထဲက နှလုံးခုံသံကို နားထောင်ကြည့်... သာမာန်ထက် အားပြင်းတယ်သိလား...။ ဘာလို့လဲ ပိသိလား..

......ဟင့် ဟင့်...

ပိရင်ထဲမှာ ပိရဲ့ နှလုံးသားက တစ်ခု နောင့်ရဲ့ နှလုံးသားက တစ်ခု နှစ်ခုပေါင်းပီး ခုန်နေတာပိ...
ပိ ဘာမှ မဖြစ်ဘူး... ပိခွဲစိတ်ခန်းထဲ ဝင်လဲ နောင့် ပိနဲ့ အတူရှိနေတယ်နော်ပိ....

နောင့်ရယ်... အဟင့်... ဟင့်.......... ပိ သိတယ် နောင့် ....... ပိနားမှာ နောင့်ရှိတယ်ဆိုတာ...

အော့ .. နောင့်ရှိတယ်ပိ... ပိကို ဘယ်မှ ပေးမသွားဘူး.....
ပိမှတ်ထား... ပိအုံးနေတဲ့ ခေါင်းအုံးဟာ နောင့် လက်မောင်းပဲ...။ ပိ အိပ်နေတဲ့ မွေ့ယာဟာ နောင့်ပဲ...။ ပိ ခြုံထားတဲ့ စောင်ဟာ နောင့် ရဲ့ လက်အစုံပဲ... ပိနဲ့ ထပ်တူ နောင့် ရှိနေတယ်နော်ပိ..

နောင့်ရယ်.. ဟင့်...

ပိ စိတ်မပူနဲ့နော်..

နောင့်ရယ် ဘယ်လိုဖြစ်ဖြစ် ပိကို မမေ့ရဘူးနော်.....

မမေ့ဘူးပိ ... ပိရင်ထဲမှာ နောင့် ထာဝရ ရှိနေတယ်.. ။ နောင့်ရင်ထဲမှာလဲ ပိ ရှိနေတယ်...။ ပိ ... အတူတူ တိုက်မယ်နော်....

နောင့်ရယ်....

နောင့် နောင့် ပိကို လာခေါ်နေကြပီ...။ ပိသွားရတော့မယ်............ နောင့် နောင့်.........

ပိ ပိ..............

နောင့် ...................... (ကလစ်)

Monday, April 12, 2010

ဧပရယ် သီချင်း

ပုရစ်ဖူးတွေ သီတဲ့မျက်စောင်းထက်ထက်နဲ့
ချို နွဲ့နွဲ့ လှရက်လွန်းတဲ့ နွေ

ကောင်းကင်ရဲ့ တေးသွားတေးသံများ မြူချော့ဖို့
ကနွဲ့ကလျ ကကွက် ကကြိုး ကကွက် နဲ့
အဝါရောင် ပဉ္စလက် တံတိုင်း ပေါ်မှာ
ရှိသမျှ အလှကို လှစ်ပြဖွင့်ထုတ်ထား ရင်း
နှုတ်ခမ်းလေး မဟ တဟ
ဧပရယ် ဟာ လှချင်တိုင်းလှလို့

လေပြေတွေ လွန့်လူး ဦးခိုက်တဲ့
ယစ်မူးဖွယ် တန်ခူး ထောင်ချောက်ထဲ
တိမ်းပါး ညွှတ်နူး မေ့လျော့ရင်း
နာကျင်ဖို့ အဆင်သင့် မဖြစ်လိုက်ခင်
ဆောင်းရွက်ကျန်တွေ အစဉ်အတိုင်း ကျိုးကြေ ရွာကျသွားလိုက်ရ ပုံက
ခြောက်ခြောက်ခြားခြား
တိုးလျ အေးစိမ့်စွာ ကွဲကြေ လွင့်ပါးသွား

ကူးလွေ့

12.04.2010
Monday,April

Wednesday, April 7, 2010

ကချေသည်

တစ်ကယ်ကို မသိခဲ့တာပါ

ကကွက်တွေ သပ်သပ်ရပ်ရပ်
အနုစိတ်ထားတဲ့ လျှာဖျားပေါ်မှာ
ကိုယ့်ကို ကိုယ်ပြန်ရှာရတာ မောပေါ့

လေးလေးနက်နက် ပေါ့ပျက်ခဲ့
ပျားရည်တွေ စီးမျောလာပုံ ကိုက
မြွေတစ်ကောင် အဆိပ် ပါး ဝ သလို

မျိုခဲ့....သောက်ခဲ့
မျက်ရည်လည်ရွှဲလည်း ပျော်ရွှင်ခဲ့ဖူးရဲ့
အသားတင် မေ့လျော့ခြင်းအောက်မှာ
အရှက်ရ ဝမ်းနည်းခဲ့ရတဲ့ ဆန္ဒ အစုံစုံ

စနစ်တကျ အမှားတစ်ခုစီ ခင်းခဲ့
နှစ်သိမ့်တေး တစ်ချို့
လိုတိုင်း မရနိုင်တဲ့ အပြုံး တစ်ချို့
စကားခွံ တစ်ချို့
တစ်ချို့ ....တစ်ချို့
ဟောဒီ...နှုတ်ခမ်း အသေကောင်ပေါ်မှာပဲ
ကယောင်ခြောက်ခြား.....သေခဲ့တယ်။

ကူးလွေ့

Monday, March 29, 2010

အသိနဲ့ တရား

တိတ်တဆိတ်ပါပဲ....
ခုတ်မောင်းနေတဲ့ လောကကြီးမှာ စက္ကန့်နဲ့အမျှ (ခပ်မြန်မြန်တိုင်းတာလို့ရတဲ့ အသေးဆုံး အစိတ်အပိုင်း) ပြောင်းလဲ ဖြစ်ပျက်နေတယ်....
သိနေလဲ ဖာသိဖာသာနေရင်း ကြောက်လန့်မှုကို သိုဝှက်ထားမိတုန်း....
အမှားနဲ့ အမှန်ကြားက သတိနဲ့ သန္တန်.......
တွေးခေါ်မှုတွေက ဖောဖောသီသီ................ ရလာတဲ့ အသိတွေက ဝေဝေဆာဆာ......... လက်တွေ့ ကျင့်ကြံမှုက ခပ်ခွာခွာ............
မကောင်းမှန်းသိပေမယ့် သင်ပေးလိုက်တဲ့ တွေးခေါ်မှုနဲ့ ဆင်ခြေတုံတရားကြားက မုသားပါးပါးလေးမှာ အမှတ်တမဲ့ သို့တည်းမဟုတ် တမင်သက်သက် ခိုဝင်စားသုံး...........
ကိုယ့်ကိုယ်ကို ကိုယ်ပိုင် ဒါမှမဟုတ် အငှား စံနှုန်းတွေနဲ့တိုင်းတာရင်း ကိုယ်မှန်တယ်ထင်ရာကို တန်းတန်းမတ် သွားကြ........
ရယ်သံနောက်ကွယ်က အငိုမျက်လုံးတွေ.......... ဆန္ဒနဲ့ လက်တွေ့............ ကွာဟမှုကို သေးနိုင်သမျှ ဆွဲချုန့်ရင်း ရင့်ကျက်တဲ့ရင်မှာ အတ္တသီးလေးတွေက တွဲလွဲခို..................
ပေးဆပ်တယ်ဆိုပေမယ့် တွက်တတ်လွန်းစွာပဲ ပမာဏတစ်ခုထိသာ စိတ်ကို ဆွဲဆန့်ရင်း ပြန်မရရင် စိတ်က ဒဏ်ရာလေးတွေ သယ်သယ်သွားတတ်လွန်း.............
အင်း........ ကြီးမြတ်တာကို လူမသိချင်နေဆိုပေမယ့် တစ်စုံတစ်ယောက်ဆီက မျက်ဝန်း တစ်စုံတစ်ရာကို မျှော်နေတတ်ပြန်ရော.............. ဘယ်လောက်ပြုံးပြုံး နင့်နေတဲ့ ရင်ကို ထမ်းရင်း ကြီးမြတ်တဲ့ စိတ်ကို အားမလိုအားမရနဲ့ သံသယက ထားတတ်သေး...............
ဆင်ခြေမပေးပါနဲ့လို့ တစ်ဘက်သားကို တားမြစ်ရင်း သုံးခဲ့တဲ့ ဆင်ခြေတွေက အသင်္ချေ...........
တစ်ခုချင်း ထောက်နေရမယ်ဆိုရင် စာမျက်နှာတွေသာ ပွထသွားနိုင်တယ်.....
အထင်ရှားဆုံးက ကျေးဇူးတရား၊ သိတတ်မှုနဲ့ ကိုယ်ပိုင် အတ္တ............
မိဘကျေးဇူးကို ငါဆပ်မယ်ဆိုရင်း ရုန်းကန်ဖွေရှာပေးဆပ်ရင်း ပေးဆပ်မှုတွေက ကိုယ့်နောက်မှာရောက်မှန်းမသိ ရောက်.....
နေ့တိုင်း ဖုန်းမဆက်ဘူးနော်အမေ.. အဖေ.. ပြောစရာစကားတွေက နေ့တိုင်းမှ မရှိတာ... ကျန်းမာရေးကို ဂရုစိုက်ကြ... ပျော်ပျော်နေ... တစ်လတစ်ခါ ပြောဖြစ်တဲ့စကား...
တစ်လမှတစ်ခါ.............. နေ့တိုင်း ပြောဖြစ်စရာ စကား မရှိဘူးတဲ့.............
ပြန်စဉ်းစားမိပါ့.............. အွန်လိုင်းမှာ သူငယ်ချင်းတွေနဲ့ နေ့တိုင်း နီးပါးတွေ့ပီး ပြောနေတာ စကားက ကုန်မသွားပါလား.............
း)
ပါးပါးလေးပဲ ပြုံးမိပါတယ်... ရှက်သွားတဲ့စိတ်ကို ပေါင်းသင်းဆက်ဆံရေးဆိုတဲ့ ဆင်ခြေနောက်မှာ ပြေးပုန်းခိုင်းလိုက်တော့ ဘာမှ မဖြစ်တော့သလို နေသားကျသွားတယ်...။
လူမှုဆက်ဆံရေးမှာ မိဘက ဘာလို့ မပါတာလဲ?...................... နောက်မှ ဆွေးနွေးကြပါစေ....
ဘယ်မှာ ဘယ်လိုပဲ ယှဉ်ယှဉ် ကိုယ့်ဒုက္ခက ပိုကြီးနေသယောင် ထင်တတ်သေး............
ကုန်ကုန်ပြောရင် ဘုရားဟောတဲ့ တရားကိုတောင် လက်တလုံးခြားလေး လုပ်တတ်လွန်းတယ်....
အရက်သေစာ မသောက်ပါနဲ့ တားမြစ်တယ်... ဘုရားရှင်က
ကျွန်တော်တို့က ဆင်ခြေလေးနဲ့ လှည့်တယ်... သောက်တတ်ရင်ဆေး မသောက်တတ်ရင်ဘေးတဲ့....
အရက်သေစာမှာ ဆေးလိပ်မပါ၊ ကွမ်းယာမပါဆိုပီး သိသိနဲ့ လိမ်ချင်သေး.....
ဒါပေမယ့် တရားကို သိနေတဲ့သူတွေချည်း................
အသိနဲ့ အတ္တကြားမှာ ခန္ဓာကို မှီတွယ်ရင်း မိုက်တွင်းနက်လို့ လွတ်လမ်းကို မျှော်တတ်တယ်....
အပြောလွယ်သလောက် လက်တွေ့ လုပ်ရခက်တယ်တဲ့.............
အဲဒီတော့ ပေးနေကြ ဆင်ခြေပါးပါးလေးတွေနဲ့ မုသားမပါ လင်္ကာမချော.......... ဖြစ်ကတတ်ဆန်းဘဝကို နည်းနည်းပါးပါး ကောက်ကက်စီပီး ရင်ကော့ အလှံထူနေတာ.............
နောက်ဆုံး တော့ လူပဲလေဆိုပီး တင်ထားသမျှ စံနှုန်းလေးတွေကို ကိုယ်နဲ့ ကိုက်အောင် ပြန်ညှိရင်း နေ့တစ်နေ့ဟာ အရင်လိုပဲ ပဉ္စလက်ဆန်နေတုန်း.................... အင်းပေါ့လေ ကိုယ့်အတွက် ကြေးစည်သံကို ကိုယ်မှ မကြားနိုင်တာ.......



ကိုကြီးလင်းညို တဂ်လိုက်တော့ အလန့်တကြားနဲ့ ခေါင်းထဲက ကစင့်ကလျား ခုန်ပေါက်ထွက်ကျလာတာလေးတွေပါ (ဒါလဲ ဆင်ခြေပါးပါးလေးပေါ့).....။ ကျွန်တော့ဘဝမှာ ထိပ်ဆုံး အတဂ်ခံရဖူးတာဆိုတော့ မျက်စိကိုလည်ထွက်နေတာ....။
ဖတ်ရတာ အဆင်မပြေရင် အဆင်ပြေသလိုလေး ဖတ်သွားပေးကြပါလို့.................
လေးစားစွာဖြင့်
စိုင်းစိုင်းမွန်း

တွေးခြင်း

တစ်ရက် တစ်ရက် အသားကျနေတဲ့ ပြုဖွယ် ကိစ္စတွေ ထဲမှာ ပျင်းရိ ငိုက်မြည်း နေတဲ့ ကျွန်တော့်ကို ခင်မင်ဖို့ကောင်းတဲ့ အစ်ကိုကြီး ကို လင်းညိုက တစ်စုံတစ်ခု တွေးဖြစ်ဖို့ တက်ဂ်လာ တဲ့အတွက် ဖုန်တက်နေတဲ့ ခေါင်းကို ကမန်းကတန်း ဖုတ်ဖက် ခါရင်း တစ်စုံတစ်ခု တွေးဖို့ အထိတ်တလန့် ကြိုးစားကြည့်ပါတယ်။ အသုံးမပြုတာ ကြာတဲ့ ဦးနှောက်က ချက် ချင်း အလုပ် မလုပ် ပါ။

တစ်စုံတစ်ခု ကို တွေးဖြစ်ဖို့ အရေးထက် ဘယ် အကြောင်း အရာကို တွေးရင် ကောင်းမလည်း ဆိုတာ ကိုတောင် မနည်း တွေးကြည့် နေရပါတယ်။ ပေါ့ ပါ့ ပါးပါးလေးပဲ တွေးရမလား..။ ကမ္ဘာကြီးနဲ့ ချီပြီး မနိုင်ရင်ကာ တွေးရမလား..။ ဟိုလား ဒီလားနဲ့ တောင်တောင် အီအီ လျှောက်စဉ်းစား နေမိတဲ့အခါ ခေါင်း ထဲမှာ ဟိုတစ်စ ဒီတစ်စ တောင်စဉ်ရေမရ ပြေးလွှားခုန်ပေါက်နေကြတော့တာပဲ။

သြဂတ်စ် ရိုဒင် ကတော့ ခွါချွတ်ပြီး တွေးတယ်။ ဒီဘိုးနိုးက ဦးထုပ် ခြောက်လုံးဆောင်းပြီးတွေးတယ်..။ ဆရာကိုတာ က တော့ ဖောက်ထွက် ဖြန့်ကျက်ပြီးတွေး ကြစေချင်သတဲ့။ ကျွန်တော်ကတော့ ဘာကိုတွေးရမလည်း...? ဘယ် လိုတွေးရမလည်း...? မနက်ဖြန်အကြောင်း လား..။ မနေ့ကအကြောင်းလား...။ ဘဝကို တွန်းထိုး ဆွဲတင်ပေးမယ့် လှေကားထစ်တွေအကြောင်းလား..။ အောင်မြင်ကျော်ကြားသူတွေရဲ့အကြောင်းလား။ အမှတ်နှစ်စက်ကြားက ဖြောင့်တန်းနေတဲ့ မျဉ်း တစ်ကြောင်းလို ရှင်ခြင်း သေခြင်း အကြောင်း လား...။ ဒါမှ မဟုတ်....မီဂန်ဖောက်စ် ရဲ့ အကြောင်းလား။

တွေးခြင်းက လူတွေကို အဟိတ် ဘဝကနေ ကွာဝေး လွန်မြောက်ပြီး လောကကို ချုပ်ကိုင်လွှမ်းမိုးနိုင်တဲ့ တစ်ခုတည်းသော ဆင်ခြင်တုံ သတ္တဝါ အဖြစ်ကို ဆောင်ကျဉ်း မြှင့်တင်ပေးခဲ့တယ်။ တစ်ပြိုင်နက်တည်းမှာ ပဲ တွေးခြင်းက လူတွေကို ပိုပြီး ကောက်ကျစ်စဉ်းလဲ တတ်လာ စေပြန်တယ်။ မွေးကတည်းက သေတဲ့အထိ လူတွေဟာ အမျိုးမျိုး အကြောင်းကြောင်းသော၊ အထူးထူး အပြားပြားသော အကြောင်းအရာ အကြံအစဉ် တွေအတွက် တရစပ်တွေး ကြတယ်။ ထိုင်ရင်းတွေးတယ်၊ ရပ်ရင်းတွေးတယ်၊ သွားရင်း တွေးတယ်၊ စားရင်း တွေးတယ်၊ အိပ်ရင်းတွေးတယ်..။ တွေးတယ်...တွေးတယ်...တွေးတယ်...။ တစ်ခု မဟုတ်ရင် တစ်ခု တော့ တွေးနေကြတာပဲ...။ တစ်ချို့က ကောင်းတဲ့ဘက် မှာ...တစ်ချို့ကလည်း မကောင်းတဲ့ဘက်မှာ...။ တစ်ချို့ကလည်း ကိုယ့်ဘဝ ကိုယ့်အတ္တအတွက်၊ တစ်ချို့ကလည်း အများအတွက် လောကအတွက်....။

ဘယ်လို အကြောင်းနဲ့ပဲ တွေးနေ တွေးနေ လူတွေ မတွေးချင်ပဲ မသိမသာရော သိသိသာသာပါ ကျော်လွှား သွားတတ်ကြတာလေး တော့ ရှိတယ်ဗျာ...။ ကမ္ဘာဦး ကတည်းက အခု လက်ရှိအချိန်အထိ လူတွေ မလိုချင်ဆုံးနဲ့ အကြောက်ရွံ့ဆုံး၊ ပြီးတော့ မွေးရာပါ ပိုင်ဆိုင်မှု တစ်ခု လည်းဖြစ်လေတဲ့ သေခြင်း ဆိုတာပါပဲ။

ငယ်ရွယ် သေးတယ်လို့ ပြောချင် ပြောနိုင်သေးတဲ့အချိန်မှာ....သေခြင်းဆိုတာ ကိုယ့်နဲ့ မလှမ်း မကမ်းလေးမှာ ရှိနေတယ် ဆိုတာ မသိယောင်ဆောင်ထား နိုင်သေးတဲ့အချိန်မှာ တောင် သေတယ် ဆိုတဲ့ ခံစားမှုကြီးကို တွေးမိတိုင်း မနှစ်မြို့စရာ ခံစားချက် မျိုးနဲ့ သိသိသာသာ တုန်လှုပ်ကြစမြဲပါပဲ။ တစ်ဆက်တည်း အမှတ် နှစ်စက်ကြားက မျဉ်းဖြောင့်လို ဘဝ အကန့်အသတ်နယ်ပယ်သေးသေးလေးထဲမှာ ကိုယ့်ဘာသာ ငါဘာလဲ..ငါဘယ်လဲ...ငါဘာလုပ်နေလည်း တွေးကြည့်ရင် အရာရာ အလဟဿ အဖြစ် ကို ပဲရောက်သွားတယ် ...။ပုထုဇဉ် လောကထဲက လူဆိုတာမျိုးကလည်း ကိုယ့် အတ္တ၊ ကိုယ့်မာန နဲ့ ကိုယ့် စွမ်း အား အရည်အချင်းအပေါ်မှာ တစ်စုံတစ်ခုနဲ့ အမှတ်ကျောက်တင်ပြီး အသိအမှတ်ပြုခံရဖို့ အလိုလားဆုံး သတ္တဝါတွေမဟုတ်လား..။ ကိုယ့်စွမ်းနိုင်သမျှကာလပတ်လုံးလည်း ကိုယ့်ပုံရိပ် ကိုယ့်သမိုင်းကို ခိုင်သထက်ခိုင်မာအောင် ထုဆစ်ချင်ကြတယ်။ ဒါကြောင့်လည်း လျစ်လျူ ရှု ခံရခြင်းဆိုတဲ့ ခံစားချက်ကို မကြိုက်ဘူး။ကိုယ့် အားထုတ် မှုအပေါ် မှာ ကိုယ့်ကို အသိအမှတ်မပြုပဲ အားလုံး ကို ချိုးဖျက် နင်းခြေ ပြီး ဥပက္ခော ပြု ပစ်ပယ်ပြီး ထားခဲ့မယ့် ဒီသေခြင်းဆိုတာ ကို မကြိုက်ဘူး။မကြိုက်ဘူး...မကြိုက်ဘူး... ဟင့်အင်း...ဟင့်အင်း...ဟင့်အင်း...တွန့်ဆုတ် မေ့လျော့ ငြင်းပယ်ကြရင်း ပဲ ငြင်းပယ်ခြင်းဟာ ကျွန်တော်တို့ ဖြစ်သွားခဲ့ကြ...။ အဲသလိုနဲ့ သံသရာစက်ဝန်းကြီးကို အမြဲလည်ပတ် စီးဆင်းနေဖို့ ကျွန်တော်တို့တွေ ပျော်ပျော်ပါးပါး..ထို့နောက် တစ်တပ် တစ်အား။


ကူးလွေ့

၂၉.မတ်လ.၂၀၁၀
တနလာင်္။


****ကိုလင်းညိုရေ...။ ကျွန်တော့်ရဲ့ အတွေးများကတော့ ဤမျှသာပါပဲဗျာ...။ တွေးဖြစ်နေကျ အကြောင်းတစ်ခုကို မျှဝေလိုက်ပါတယ်...။ငြီးငွေ့ဖွယ် တစ်စုံတစ်ရာ ဖြစ်စေခဲ့ရင် ကျွန်တော့်ရဲ့ ညံ့ဖျင်းမှုကို ခွင့်လွှတ်ပေးကြမယ် ထင်ပါတယ် ခင်ဗျား...။****

Thursday, March 25, 2010

အလှည့်

အမှတ်တမဲ့ ဝင်လာပီး အမှတ်တမဲ့ ပြန်ထွက်သွားတယ်...
စေ့ထားတဲ့ တံခါးလေးမှာသာ လှုပ်ရှားရင်း.......
အသံလေးက တိုးတိတ်ညင်သာ...............

Saturday, March 20, 2010

ချယ်ရီရောင် စောင်းကြိုး

ကမ္ဘာဦး ဒဏ္ဍာရီပေါ်မှာ ကတည်းက
နတ်ဘုရားတွေ ဖဲ့ထုတ်ခဲ့တဲ့ ခန္ဓာ
ဟောဒီ...သံသရာမြေနီလမ်း တစ်ဆုံးထိအောင်
ဘဝ များစွာ ရှာဖွေပေါင်းဆုံချိန်
အိပ်မပျော်သူ မှန်ချပ်အပိုင်းအစတွေ စည်းဝါးကိုက် ကခုန်တယ်....

မျက်ရည်ကို ဆာလောင်တဲ့အပြုံးတွေက ဘဝကို သိမ်းယူတယ်
မတော်တဆ တိမ်ခင်းရဲ့ ထစ်ချုန်းသံ အက်အက်

ဂမ္ဘီရ ဆန်ဆန် တီးခပ်တယ်
ချယ်ရီရောင် ခပ်ပါးပါး စောင်းကြိုးညှိသံ ညင်သာ ထိပွန်း
ဆိုကရေးတီးရဲ့ နောက်ဆုံး ချိုမြိန်ခြင်းလိုမျိုး
မျက်နှာစိမ်းပင်လယ်က " လှ"တယ်

လက်သည်းဖွက်ထားတဲ့ မျက်လုံးအသစ် တစ်စုံအောက်က
အဆက်မပြတ်ထုတ်လုပ်ဆဲမျက်နှာဖုံးများ
မိုးညှို့ မန္တာန်တွေ ပဲ့တင်ထပ် ဖုန်းဆိုးလွင်ပြင်ကြီးတစ်ခုလို
"သူမ" ဟာ အကြိမ်ကြိမ်ရွာသွန်းသွေ့ခြောက်တယ်

နားဝေတိမ်တောင် ညနေခင်းများစွာ ဖြတ်သန်းသွားကြဆဲ
ရွက်အိုတွေ စီးဆင်းတဲ့ ဖေဖော်ဝါရီ လမ်းအိုကျဉ်းထဲမှာတော့
အိပ်မက်လက်ပံက နီသထက် နီလာခဲ့တယ်။

ကူးလွေ့

2002 ခုနှစ်တုန်းက ကျွန်တော့် အစ်ကိုရယ်၊ ကျွန်တော်ရယ်၊ နောက် ညီမလေးတစ်ယောက်ရယ် ပေါင်းပြီး အိပ်မက်ချယ်ရီလို့ အမည်ပေးထားတဲ့ ဖေဖော်ဝါရီ အမှတ်တရ ကဗျာ စာအုပ် တစ်အုပ်လုပ်ဖို့ စီစဉ်ခဲ့ကြပါတယ်...။အကြောင်းကြောင်းကြောင့် စာအုပ်မလုပ်ဖြစ်ခဲ့ပါဘူး။ နောက်တော့ သူငယ်ချင်းတွေ ကောင်းမှုနဲ့ စမ်းရင်း သပ်ရင်း ဟိုတုန်းကမလုပ်ဖြစ်လိုက်တဲ့ ကဗျာစာအုပ်အတွက် အမှတ်တရအဖြစ် အိပ်မက်ချယ်ရီ ဆိုပြီး ဘလော့ဂ် လုပ်ဖြစ်သွားတော့ အဲဒီတုန်းက စာအုပ်ထဲထည့် ဖို့ လျာထားတဲ့ကဗျာတွေကို နည်းနည်းချင်း ပြန်တင်ဖြစ်ပါတယ်...။ အဲဒီတုန်းက စာအုပ် ခေါင်းစည်းအတွက် ရေးခဲ့တဲ့ ကဗျာ နှစ်ပုဒ်ရှိပါတယ်။ အိပ်မက်တစ်ခြမ်းနဲ့ ည ဆိုတဲ့ ကဗျာနဲ့  အခု ဒီ ချယ်ရီရောင် စောင်းကြိုး ဆိုတဲ့ ကဗျာပါ..။

Thursday, March 18, 2010

ဒွိဟ

စိတ်တွေနောက်ကျိနေတယ်....
တင်းထားရင်လဲ ပြတ်မှာစိုးတဲ့စိတ်နဲ့ မျက်စိမှိတ် နားပိတ် နေခဲ့ရတာ အကြိမ်တွေ ရေတွက်လို့မရ....
ချစ်တတ်လွန်းတဲ့ ကိုယ့်ကိုယ်ကိုပဲ ခပ်ဖွဖွကျိမ်ဆဲရင်း လေးလွန်းတဲ့ရင်ကို ထမ်းထမ်းပီး ငါ့နေ့တွေ ဆက်နေရတယ်...
ကံကြမ္မာအလှည့်ပြောင်းလေးတစ်
ခုမှာ စေ့ထားတဲ့တံခါလေးဟသွားလို့ အတွင်းကို တစ်စွန်းတစ်စ မြင်ခွင့်ရလိုက်တယ်...
မယုံကြည်နိုင်စရာကောင်းအောင် အတ္တတွေက ဘဝကို အဖန်ဖန် မျက်လှည့်ပြ.........
အမှန်တစ်ရားနှစ်ခုကြားမှာ ပါးပါးလေး လက်တစ်လုံးခြားလှည့်နေတာ.....
ငါ ဆိုတဲ့ တံတိုင်းကိုတော့ ကျော်ဖို့ ခက်ကြတယ်မလား....။
တံတိုင်းနောက်က နှလုံးသားတစ်ခုကို ထုတ်ကြည့်ချင်တဲ့ ငါကပဲ မှားနေတာပါ....။
ပတ်သက်မှု အတိုင်းတာတစ်ခုကို စည်းချက်ကျကျ ထိန်းထားဖို့လိုတယ်ဆိုတာ သိလာချိန်မှာ ငါမမှားတဲ့ ငါ့ အမှားတွေတွက် ငါ့ကို စွဲချက်တင်ပီးနေပီ....။
ထိရှတာချင်းတူတူ သူက ပိုနာတတ်နေတော့ ဟင်းလင်းပြင်တစ်ခုလို ငါခေါင်းငုံ့ပေးလိုက်တယ်.....
ပေးဆပ်မှုမှာ မျှော်လင့်ချက်လေး ကပ်ပါနေမိတာ ငါ့ရဲ့ ကြီးကျယ်သော ဆုံးရှုံးမှုပေါ့.....
မျက်ရည်ပူတွေ ဝေ့ဝဲတက်နေတဲ့ ဒီမျက်လုံးတွေနဲ့ပဲ ဖြစ်ချင်တာနဲ့ ဖြစ်သင့်တာကြားကို ငါ ပါးပါးလေး တိုးဝင်ရင်း မပြည့်သောဆုတွေ တောင်းမိတုန်း....
ဆိုင်တယ်ထင်တော့ တောင့်တတယ်.. ပိုင်တယ်ထင်တော့ ကြောင့်ကျတယ်တဲ့....
ကြားဖူးတဲ့ တရား အဆုံးမစကားတွေ.....
နားထဲမှာ ရိုက်ခတ် ပဲ့တင်ပြန်လဲ ငါက ခေါင်းမာလွန်းစွာ ဆုပ်ကိုင်ထားနေဆဲ.....
ဟူး......................
သိမ်မွေ့နက်ရှိုင်းလွန်းတဲ့ သံယောဇဉ်ပုစ္ဆာထဲမှာ မျက်စိတ်မှိတ် နားပိတ်တတ်ဖို့ ကျင့်ရမှာလား.....
ဥပေက္ခာနဲ့ လစ်လျူရှုတာ ဘာကွာလဲ.....
ဟူး.........................
သက်ပြင်းမောတွေ အခါခါချရင်း အရာရာကို ရင်ထဲ ထည့်လွန်းတဲ့ငါ့ကိုငါ အခုထိ အားမရဘူး..........
ကောင်းတတ်လွန်းတဲ့ စိတ်ကို ခုထိ နားမလည်ဘူး...........
စာနာလွန်းတာလဲ မှားတာပဲလား.............
အခုထိ ငါရခဲ့တဲ့ ဒဏ်ရာတွေဟာ စာနာမှု၊ ကိုယ်ချင်းစာမှု၊ ပေးဆပ်မှု၊ တာဝန်သိတတ်မှု၊ စေတနာထားမှု၊ မေတ္တာသက်ဝင်မှုကနေ ဖြစ်ဖြစ်နေတာ အံ့အားသင့် ရင်နာနေတုန်း....
ပင်ပန်းလွန်းပေမယ့် ငါ့ခံယူချက်ကတော့ ယိုင်လဲ မသွားမှာ သေချာနေပြန်တယ်.............
ရင်ကို စုံကန် ထွက်သွားပေမယ့် နာကျင်ရင်း မေတ္တာမပျက်တတ်နေတာ ရှေးဘဝရဲ့ အတိတ်ကံကြောင့်လေလား....

Monday, March 15, 2010

သံပတ်

တွေ့ဆုံချိန်တွေက
ရေပွက်ပမာ........
တွေ့နေကျ မျက်မှန်းတန်းမိယုံလေး..
သယ်ဆောင်လာတဲ့ ဘဝလွယ်အိတ်ထဲ...
အမှတ်တမဲ့ ထည့်ထည့်မိနေတယ်....
ပခုံးတစ်ဖက်စောင်းတဲ့အထိအောင်
အမှတ်သညာနည်းတုန်း....

အနေတတ်ရင် အသေမြတ်တယ်တဲ့..........
အနေမတတ်ခင် ခဏခဏ သေနိုင်လွန်းတယ်....
တလွဲတချော် ငါ့နေ့တွေက ...
ကောက်ကြောင်းတွေ မှားမှားနေတယ်....

ရှေ့ကို လှမ်းလှမ်းမျှော်ပီး...
တစ်လှမ်းလိုငါ့စိတ်ကူးတွေဖြန့်ချိန်တော့..........
ထုံးစံအတိုင်း လူးလိမ့်....
မြေနီလမ်းက ရှည်နေခဲ့တာလား...
အခုထိ ဖုန်နဲ့ အသားမကျ.....

စားသုံးဖို့မေ့ပီး ခူးခူးမိတဲ့ အသီးတွေ...
လက်ကမ်းဝေချိန်ကျတော့....
မနက်ဖြန်တွေ မှုန်ရီသွားလိုက်တာ....
လွယ်အိတ်လေးပိုက်ရင်း....
ဒိုင်ယာ၇ီထဲရေးထိုးမှတ်သား.........
ထပ်တူကျ စာသားတွေ..........။

Tuesday, March 9, 2010

သံယောဇဉ်အလွန်

လရိပ်ထဲမှာပဲ ဝေနေဖူးတဲ့ပန်းတွေ....
မညှိုးတော့ဘူးလို့ ထင်ခဲ့.....
မှတ်မှတ်ရရပါပဲ...
မျက်တောင် တစ်ချက်ခတ်လိုက်ချိန်မှာ...
.
ပွင့်ညှာတွေ ကြွေကျ...

ရင်ခွင်ကို ဖြတ်နင်းသွားတဲ့ လေပြေ...
ခြံထဲကအသီး လူခိုးချိန်ကျမှ....
လှောင်ရယ်သံတွေ ပြပြသယ်လာ....
မနေ့က တွေ့ဖူးတဲ့ မျက်နှာထဲ........
ရက်ရက်ရောရော ပေးမိတဲ့အဖြစ်.....

မျက်ရည်နဲ့မတန်အောင် အလွန်းနေခဲ့တာလား
အဖြူရောင် ခြုံထည်ပါးကို
ခွင်းထွက်လာတဲ့ဒါးချက်အောက်မှာ...
နှလုံးသားကို ချခင်းပေးနေမိတယ်.....

ငါ့ခန္ဓာကို ဖဲ့ထုတ်သွားတဲ့...
မှော်ဝင်နတ်သမီးလေးရေ......
သံယောဇဉ် တစ်ဆင်စာအတွက်
အဖန်ဖန် ဦးညွှတ်နေမှာပါ......

မလိုချင်ပဲ ပေးမိနေသလိုမျိုး........
ဆန္ဒတွေတောင်လိုပုံမှ.......
ချောင်းစီးတဲ့မျက်ရည်..........
နဂိုအတိုင်းလေးဖြစ်နေဖို့အတွက်...
ငါ့ရင်တွေ နာလိုက်ရတာ.....

မွှေးပျံ့ပါစေ ပန်းကလေးရေ.........
လရောင်လွန် ကမ်းခြေတစ်ဖက်မှာ.........
ပွင့်ဖူးကာ သာယာစေတော့....
အဆုံးမဲ့ အချစ်တွေ သွန်လောင်းရင်း.........
တိတ်တဆိတ်ပဲ ငိုနေတော့မယ်.....။

Thursday, March 4, 2010

မြို့ပျက်

ခြောက်သွေ့နေပုံက ကန္တာရ ဆန်ဆန်

ရနံ့ကင်းနေ့ရက်တို့ ဆွတ်ယူစားသုံးရင်း
ခံနိုင်ရည်ဟာ ပီပီသသကြီး နွမ်းလာခဲ့
တိမ်ပွင့်တွေ မပါ တဲ့ မိုးရာသီကို ထမ်းပြီး
စိတ်ကူးတွေ လျှံကျ

နောက်တော့
တဖြည်းဖြည်းလဲပြိုသွားခဲ့တယ်
ပက်ကြားအက် ပုခုံးတို့ကို ပင့်တင်ရင်း
မျော်လင့်ခြင်း တစ်သီးစာတောင် မပြည့်ခင်...။

ကူးလွေ့

Friday, February 19, 2010

လွတ်လပ်ခြင်း



တစ်နေ့သား...မှာဗျာ။မိဘတွေရဲ့ တင်းကျပ်တဲ့ စည်းကမ်းအောက်မှာ နေရတဲ့ သူငယ်ချင်း တစ်ယောက်နဲ့တွေ့တဲ့အခိုက်မှာ သူ့ရင်ထဲက သူတောင့်တ ငတ်မွတ်တဲ့ လွတ်လပ်တဲ့ ရှင်သန်ခြင်းအကြောင်း စကားစမြည်ပြောဖြစ်ကြပါတယ်။သူ့စိတ်ကူး...သူ့ဆန္ဒလေး ထဲက လွတ်လပ်မှု မှာ  အဆိပ်အတောက် ဖြစ်စေနေတဲ့ အကြောင်းအရာလေးတွေကတဆင့် ကျွန်တော် တွေးမိတဲ့ လွတ်လပ်ခြင်းပါ။  လွတ်လပ်စွာ ကွဲလွဲ နိုင်ကြပါတယ် ခင်ဗျား။


လွတ်လပ်စွာ ဖော်ထုတ်ပြောဆိုခွင့်၊ ဆန့်ကျင်ခွင့်၊ ရေးသားခွင့်၊ ဝတ်ဆင်ခွင့်စတဲ့ လူတစ်ယောက်ရဲ့ လွတ်လပ်စွာ လုပ်ကိုင်နိုင်မှု၊ဖြစ်တည်ခွင့် ရှိမှု ကို တန်ဖိုးထား အသားပေးတဲ့ ကိစ္စရပ်ဟာ ကမ္ဘာကြီးကို တစ်ကယ် အကျိုး ပြုနိုင်ပါရဲ့လား? ကျွန်တော်တို့ လူတွေဆိုတာ တစ်ကယ်ပဲ လွတ်လပ်စွာဖော်ထုတ် လုပ်ကိုင်နိုင်ခွင့် ရှိသင့်သလား?လွတ်လပ်စွာ ပြောကြ၊လုပ်ကြ၊ဝတ်ကြ၊ ဖန်တီးကြ၊ နေထိုင်ကြခြင်းအားဖြင့် မျှတ ညီညွတ်တဲ့ ကမ္ဘာကြီး တစ်ခု ကို တည်ဆောက်ယူနိုင် ကြပါ့မလား...?လူတွေရဲ့ အကန့် အသတ်မရှိတဲ့ ဆန္ဒ အကွဲအလွဲတွေကို လွတ်လပ်မှု ပေးလိုက်ခြင်းအားဖြင့်...ဘာတွေ ပိုပြီး တိုးတက် လာမလဲ? 

လူတွေ ရဲ့ အတိုင်း အဆမဲ့ လွတ်လပ်ခြင်းဟာ ကမ္ဘာကြီးကို အမြဲ ငြိမ်းချမ်း ညီညွတ်စေနိုင်လိမ့်မယ် လို့ ကျွန်တော်က တော့ မယုံကြည်ဘူး။  တစ်ခါတစ်ရံ ကိုယ့် လွတ်လပ်မှုဟာ တစ်ပါးသူကို ကန့်သတ် ကျဉ်းကျုံ့စေတတ်ပါတယ်။ဒါပေမယ့် လူတိုင်းက ဒါကို မေ့လျော့ ထားလေ့ ရှိကြပါတယ်။
စည်းနဲ့ကမ်းနဲ့ လွတ်လပ်နိူင်မှ တန်ဖိုးရှိတာပါ ။ စည်းမရှိ ကမ်းမရှိ ပရမ်းပတာ လွတ်လပ်တာဟာ ကိုယ့်ရဲ့ တန်ဖိုးကိုလဲ ကျစေသလို ပတ်ဝန်ကျင်ကို အနှောက်အယှက် ဖြစ်စေပါတယ် ။ လွတ်လပ်မှု နဲ့ အတူ တာဝန်ယူတတ်မှု ဆိုတာလဲ ဒွန်တွဲပါနေပါတယ် ဆိုတာကိုလဲ မမေ့သင့်ကြဘူး ။ လွတ်လပ်မှု ဆိုတာကြီးကိုပဲ တွင်တွင်သုံးသုံးပြီး ကိုယ့်လုပ်ရပ်ရဲ့ ဖြစ်မှုပျက်မှု အပေါင်းကို တာဝန်မယူနိူင်ပြန်ရင်လဲ အဲဒီ လွတ်လပ်မှု ဆိုတာကြီးက တကယ် အဓိပ္ပာယ် ရှိပါဦးတော့မလား   ။

တစ်ချို့နေရာတွေမှာ လွတ်လပ်ခွင့် ကို ဆုပ်ကိုင်ထားတဲ့ အတွက် ၊ လွတ်လပ်မှုကို ငဲ့ညှာရတဲ့အတွက် သူ့ဆီက လာတဲ့  ချိန်းခြောက်မှုကို  ထိထိရောက်ရောက် ပြေလည်အောင် မဖြေရှင်းနိုင်ကြတာမျိုးတွေ ရှိတယ်။
ပြောရမယ်  ဆိုရင်တော့...လူတွေရဲ့လွတ်လပ်ခွင့် ကို အတိုင်းအတာတစ်ခုအထိသာ ထိန်းချုပ်ကန့်သတ်မထားခဲ့ရင် ကမ္ဘာကြီးဟာ ဒီနေ့ဒီချိန် ထိ အေးချမ်း နေလိမ့်မယ်လို့ မထင်မိဘူး။အဲ....တခုပဲ အဲ့ဒီလွတ်လပ်မှုကို ထိန်းချုပ်ပဲ့ကိုင်ပေးတဲ့  ကန့်သတ်ချက်ဟာ မှန်ကန် တိကျတဲ့ ကန်သတ်ချက် ( ဥပဒေ ) ဖြစ်ဖို့တော့ လိုတာပေါ့  ။

 
လွတ်လပ်မှု ဟာ မကောင်းဘူးလို့ ကျွန်တော် မပြောလိုပါဘူး။ လွတ်လပ်မှုကနေ တိုးတက် ဖြစ်ထွန်းမှုတွေ အများကြီး သီးပွင့်လာခဲ့သလို လွပ်လပ်မှုကနေ အဆိုး၊အပျက် ဘက်ဦးတည်တဲ့ အကြောင်းတရားတွေလည်း တပြိုင်နက် ရောယှက် ပါဝင်လာတာ ပဲ မဟုတ်လား။နောက်တစ်ချက်က အတိုင်း အဆမဲ့ လွတ်လပ်ခြင်း ဟာ လူတွေရဲ့ နဂိုရ် ရှိရင်းစွဲ အရိုင်းစိတ်ကို ပိုပြီး နိုးကြား စေတယ်လို့ ကျွန်တော်ကတော့ မြင်တယ်။ဥပမာ ရှိုးပွဲတွေမှာ ကချင် ခုန်ချင် စိတ်ကို လွှတ်ပေးလိုက်တဲ့အခါ မျိုး။

ကမ္ဘာမှာ ထင်ရှားတဲ့ ပညာရှင်ကြီးတွေနဲ့ ပညာရပ်တွေဟာ လွတ်လပ်စွာတွေးခေါ် မှုကြောင့်သာ ဖြစ်ထွန်းပေါ်ပေါက်လာခဲ့တယ်လို့ စောဒက တက်ကောင်း တက် နိုင်ပါတယ်။ သို့ပေမယ့် သူတို့ ရဲ့ လွတ်လပ်စွာ တွေးခေါ်မှုကို သူတို့ရဲ့ ရည်မှန်းချက် ပန်းတိုင်က သာ ကန့်သတ်ထိန်းချုပ်မထားခဲ့ရင် ပေါ်ပေါက်လာနိုင်စရာ မရှိပါဘူး။
 ဒီနေရာမှာ ကျွန်တော် ဥပမာ တွေ အများကြီး မပေးလိုပါဘူး...။ ထင်သာ မြင်သာ တဲ့ အကောင်းအဆိုး လေးတွေ ပတ်ဝန်းကျင်မှာ အနီးအနားမှာပဲ ဖြစ်ပျက်နေကြတာ အလွယ်တကူ မြင်တွေ့နေနိုင်ပြီးသားဖြစ်ကြမှာပါ။အရေးကြီးတာဟာ ကိုယ့်လွတ်လပ်မှု ကို ကိုယ့်ဘာသာ တန်ဖိုး ထား တာဝန်ယူစိတ်ရှိကြဖို့ပါ။ကျွန်ေ တ်ာတို့ဟာ ကိုယ့်လွတ်လပ်မှုကို တန်ဖိုးထားသလို သူတစ်ပါး လွတ်လပ်မှုကိုလည်း တန်ဖိုးထား လေးစားရပါမယ်။ ခက်တာက လူတွေဟာ လွတ်လပ်မှုကို အတိုင်းအဆမဲ့ အာသာငမ်းငမ်း ငတ်မွတ်တောင့်တကြပေမယ့် ကိုယ့်လွတ်လပ်မှုကြောင့် ဖြစ်လာနိုင်တဲ့ အဆိပ်အတောက်တွေကို တာဝန်ယူကာကွယ်ဖို့ ထိထိရောက်ရောက်စဉ်းစားထားကြဟန်တော့ မရဘူး။

ကူးလွေ့
19.02.2010
Friday,February.

***ဒီစာစုလေးဖြစ်မြောက်အောင် ဖြည့်စွက် အကြံဥာဏ်ပေးခဲ့တဲ့ ညီမလေးကို အထူးပဲ ကျေးဇူးတင်ရှိကြောင်းပါ။***

Thursday, February 18, 2010

နေထွက်ချိန်

ရိုက်ချက်တွေကပြင်းထန်တယ်..
...
ကရော်ကမယ် အိမ်ငယ်လေးထဲပုန်းခိုရင်း.....
ငါ့မျက်ရည်တွေ ရွာသွန်းဖြိုး...........

ကြည့်နေလဲ မြင်ဖို့ခက်တဲ့......
မနေ့ကလို ရယ်သံမျိုးတွေ.........
ရေညှိတက်ရင်ဘတ်ပေါ်ကို......
စကားလုံးတွေနဲ့ ထုတ်ချင်းခတ်.........
အဲဒီညက ငါအိပ်ပျော်ရဲ့လား....

ရေစီးကမ်းပြို သွန်ထုတ်လိုက်တာတွေ......
အိပ်မက်ကို ပြန်ခြောက်လှန့်ဖို့ဆို......
ဘာလို့များတို့တွေ တေ့ဆိုင်နေတော့မလဲ.........
ခူးပီးမှ အသီးနုတဲ့....
ဘဝရဲ့ထေ့လုံးအောက်မှာ..........
မတောင်းလဲ ပေးပေးနေမိတယ်....။

ဟုတ်ရဲ့လား.........
သံသယတွေက ပြန်ပြန်ချည်တယ်.........
ညိုတိုင်းလဲ ရွာနိုင်ခဲလွန်း........
အဲဒီပန်းတွေ ပွင့်ချိန်ထိအောင် .........
ငါ့ရင်ခွင် နေရာကျန်ပါ့မလား.........
မတောင်းပဲနဲ့ ပြည့်တဲ့ဆုဆိုတာ ...........
မျှော်လင့်ချက်ကို ခုတုံးလုပ်ဖို့တဲ့လား...........။

အရာရာကို အရှုံးပေးပီးပါမှ.......
နှုတ်ထွက်ဖို့ တောင်းဆိုတတ်တယ်....
ချိမ့်ချိမ့်သဲ ကြီးမြတ်မှုမှာ........
ရိုးမြေကျ နားလည်မှုတွေနဲ့............
ကြွေကျတဲ့ထန်းသီးအကြောင်း........
စကားလုံးတွေ ဆွံ့အလောက်တဲ့အထိ........
တိုက်ဆိုင်မှုက ဘဝကို စိန်ခေါ်.........။

ပေးသူနဲ့ ယူသူ...
ဘယ်သူက အားသာနေတာလဲ......
ချိန်ခွင်ကို လျှာထိုးညှိချိန်တော့.........
အသစ်ရောက်တဲ့မနက်ကို မြင်တယ်......
နေဘယ်ကထွက်တာလဲ....................?

Sunday, February 14, 2010

အလွမ်း

အစကတည်းက
စိတ်ကူးတွေ အကျဉ်းကျပြီးသား
ဥပေက္ခာ မှောင်နေအောင် ပွင့်တဲ့အခါ
ငါ့အတွက်
လ တစ်စင်းဟာ ပိုပြီး အိပ်မက်ဆန်ခဲ့တယ်..။

သတိရနေလည်း ဘယ်သူမှ မရှိ
ကိုယ့်စိတ်နဲ့ကိုယ် မထွေးနိုင် မအန်နိုင်ဖျားနာပြီး
ပဲ့တင်သံ "အ" နေတဲ့ ရင်နံရံများမှာ
ခေါ်သံတွေသာ စိုက်ဝင် နှစ်မြုပ်နေခဲ့ပေါ့...။

ကူးလွေ့

Saturday, February 6, 2010

ငါ့ရဲ့ ချစ်သူ

မျော်လင့်တကြီးနဲ့ ငါ့ ရင်မြေယာလေး
ထွန်ယက်....
စိတ်ကူးလိုက်ရုံနဲ့တင် ပျော်စရာကောင်းလွန်းနေတော့လည်း
ရူးရူး မူးမူး တောင့်တမိတာ မဆန်းဘူး မဟုတ်လား..?
အဲသလို...ရင်တွေ ခုန်ပြီးတော့
ရှိသမျှ အချစ်တွေပုံအောပြီးကြဲခဲ့တဲ့ ငါ့ ပျိုးခင်းပါ
ခုတော့..
သောကရည် ရွှန်းရွှန်းမှည့် ဝင်းတောက်ပြီး
အဆိပ်သီးရာထောင်မက ပွင့်လာခဲ့ကြတယ်....။

နင်ကတော့...သိမယ်မထင်ဘူး..ဟ!
ကတိ ကို တောင်လို ပုံပေးပြီး ဒူးလေးတ နန့်နန့်
ငါ့မှာသာ
ပုခုံးသားတွေ ဖူးရောင် အက်ကွဲပြီး ပုပ်ခဲ့..သိုးခဲ့ခုတော့
ဒုက္ခညှီနံ့ဟောင်ဟောင်ပေါ်မှာ
နင့် ရယ်သံတွေသာ တလှောင်းလှောင်း အုံလို့...ဖွဲ့လို့။

ကူးလွေ့

Sunday, January 31, 2010

ဒုက္ခိတရဲ့ ပန်းအိုး

သူကောင်းဖြစ် မဖြစ် မသိရပေမယ့်
ငါ့ရဲ့ ကျားကတော့ တောပြောင်းခဲ့ပြီ
ကိုယ်ကောင်းပေမယ့် ခေါင်းက တစ်ရွေ့ရွေ့
ရှိနေမြဲ နဂိုရ် တည် ဘဝ ပုံစံထဲ
မျက်နှာပြင်ပေါ်က အရေးကြောင်းတွေသာ ထင်ရှား...ရင့်မှည့်
ကိုယ့်ဖြစ်ခြင်းနဲ့ကိုယ် ဒဏ်ရာတွေ ရပြီးရင်း...ရခဲ့တယ်

အိပ်မက်တွေ စားစားပြီး လူမလေး, ခွေးမခန့်
နေထွက်တိုင်းသစ်ထားတဲ့ မျက်နှာကြီး
တဖြည်းဖြည်းဟောင်းနွမ်းပြီး ပွန်းခဲ့ပဲ့ခဲ့
သွားပါများ ခရီးတော့ရောက်ခဲ့တယ်
လမ်းပျောက်ဆဲ နေ့ည အစုံလိုက်ကြွေ နေတာများ
လှ...မှ ..လှ

ခဏတာ ငှားရမ်းထားတဲ့ ဘဝတာက ပဲ ရှည်လွန်းခဲ့သလား
သံသယတွေ အကြွင်းမဲ့သုတ်သင်ပြီးချိန်ထိအောင်
ဒုက္ခိတရဲ့ ရင်ဘတ်ထဲက ပန်းအိုးလေး
လေးရာသီ အလေ့ကျပန်းတို့ ဝေ နေခဲ့။

ကူးလွေ့

Saturday, January 30, 2010

ရှင်သန်ခြင်းမှတ်စု

ရပ်နေတာလား...
လျှောက်နေတာလား........
ပြန်လာဖြစ်တော့လဲ ဒီနေရာ.........
ဘာမှ မရှိတာကနေစတယ်....
ဒီလိုပဲ ဘာမှမရှိပဲ ထွက်ခွာ........
ကြားကာလမှာ ငါ့ကိုယ်ငါ ဖွပ်ဖွပ်ကြေအောင်ထောင်းရင်း...
သံသရာကိုမျက်ကွယ်ပြု...
အဲဒီတွင်းတွေ နက်ကောင်းတုန်း....။

Tuesday, January 19, 2010

ခြေလှမ်း

စိတ်လိုလက်ရ တစ်ခုခုကို စဉ်းစားမိတယ်...
အဝေးကို မျှော်ကြည့်နေရာကနေ အာရုံတွေကို ကိုယ့်ဆီမှာ ကိုယ်စုကြည့်တဲ့အခါ..... ဘာကို သွားမြင်လဲဆိုရင် နေ့စဉ်လှမ်းနေရတဲ့ ခြေလှမ်းလေးတွေကို သွားမြင်တယ်....
ခြေတစ်လှမ်း လှမ်းလိုက်တိုင်း ခြေတစ်ဘက်က ရှေ့ကို တက်သွားချိန်မှာ ခြေတစ်ဘက်က နောက်ဆီမှာ ကျန်ခဲ့တယ်....
စဉ်းစားမိတယ်....
ခြေလှမ်းတစ်လှမ်းမှာ ပါဝင်တဲ့ ခြေနှစ်ချောင်းရဲ့ အရေးပါမှု..........
ရှေ့ကို တက်လှမ်းလိုက်တဲ့ ခြေကပဲ ဦးဆောင်သွားတာလား... ဒါမှမဟုတ် နေရာတစ်ခု ခြေကုပ်မြဲနေအောင်ချပီး ပင့်ထောက် တွန်းကန်ပေးလိုက်တဲ့ ကျန်ခဲ့တဲ့ ခြေကြောင့်ပဲ ရှေ့ကို ရောက်သွားခဲ့တာလား....
တစ်ကယ်တော့ အချက်ကျ ညီမျှ အချိုးကျတဲ့ အပေးအယူတစ်ခု ပြီးမြောက်မှသာ ခိုင်မာတဲ့ ခြေလှမ်းသစ်တစ်ခု ဖြစ်လာတာပါ....
လက်ရှိနေရာမှာ ခိုင်မြဲနေမှသာ ရှေ့ဆက်ဖို့အတွက် အားယူနိုင်မှာဖြစ်သလို၊ ရှေ့ကို ထိုးထွက်ရဲတဲ့ ခြေလှမ်းသစ်ရှိမှလဲ လက်ရှိ ခြေကုပ်ကို အားပြု ရှေ့တိုးနိုင်မှာ....။
အရာရာကို ဘက်မျှအောင် သုံးမှပဲ ခြေလှမ်းသစ်ဆိုတာ ဖြစ်လာမှာကိုး....။
လူတွေမှာ ပါလာတဲ့ တစ်စုံ တစ်စုံသော ပစ္စည်းတွေဟာ နှစ်ခုကို တစ်ပြိုင်တည်း လုပ်ဖို့မဟုတ်ပဲ တစ်ခုတည်းကို နှစ်ခုပေါင်းပီး စည်းချက်ညီညီ အပေးအယူတဲ့တဲ့ လုပ်နိုင်ဖို့ ဆိုတာ သိလာတယ်....
ကိုယ့်မှာ ရှိနေတာကို စနစ်တစ်ကျ ပေါင်းစည်းတတ်တဲ့အခါ ကိုယ့်မျှော်မှန်းချက်ဆိုတာ ပြည့်စုံ ဖို့ မခက်တဲ့ အရာဆိုတာ ကျေနပ်စရာ တွေ့နိုင်မှာပါ....

(ခေါင်းထဲရောက်လာတဲ့ အတွေးလေးကို မျှလိုက်တာပါ...)

Sunday, January 17, 2010

ပိုးကိုက်ထားတဲ့ သစ်သီး

ခံနိုင်ရည် ရှိလာတာမျိုး မဟုတ်ပေမယ့်
နာကျင်မှုက အသားကျ
"ဘဝ" ကို စကားတစ်ခွန်းကဝယ်ပြီး တစ်ခွန်းက ရောင်းတယ်
ထုံထိုင်းဆဲ ဆွံ့အ နာတွေက လူမသိ သူမသိ

တစ်ကယ်တော့လည်း
စိတ်အဆာပြေရုံလေး မေးခွန်းတွေရွာချ ခဲ့တာပါ
သူစိမ်း သူရံ ဆန်ဆဲ ငါ့နေ့စွဲတွေသာ တစ်ရွက်ပြီး တစ်ရွက်
စိမ်းသွားလိုက်...ဝါလာလိုက်။

ကူးလွေ့

20.7.2006
July,Thursday